ಉತ್ತರ ಪ್ರದೇಶ: ಮಗನಿಗೆ ನರೇಂದ್ರ ಮೋದಿ ಹೆಸರಿಟ್ಟ ಮುಸ್ಲಿಂ ಮಹಿಳೆ

ಗೊಂಡಾ (ಉತ್ತರಪ್ರದೇಶ): ಪ್ರಧಾನಿ ಮೋದಿ ಅವರ ವರ್ಚಸ್ಸಿನಿಂದ ಪ್ರಭಾವಿತರಾದ ಮುಸ್ಲಿಂ ಮಹಿಳೆಯೊಬ್ಬರು ತನ್ನ ನವಜಾತ ಶಿಶುವಿಗೆ ‘ನರೇಂದ್ರ ದಾಮೋದರದಾಸ್‌ ಮೋದಿ’ ಎಂದು ನಾಮಕರಣ ಮಾಡಿದ್ದಾರೆ.

ಇಲ್ಲಿನ ಪರ್ಸಾಪುರ್ ಮಹ್ರೌರ್ ಗ್ರಾಮದ ಮೈನಾಜ್ ಬೇಗಂ ತನ್ನ ಮಗುವಿಗೆ ಈ ಹೆಸರಿಟ್ಟಿದ್ದಾರೆ.

ಲೋಕಸಭೆ ಚುನಾವಣೆ ಫಲಿತಾಂಶ ಪ್ರಕಟವಾದದಿನವೇ ಮೈನಾಜ್‌ ಅವರು ಮಗುವಿಗೆ ಮೋದಿಯ ಹೆಸರಿಡಲು ತೀರ್ಮಾನಿಸಿದ್ದರು. ಇದಕ್ಕೆ ವಿರೋಧ ವ್ಯಕ್ತಪಡಿಸಿದ್ದ ಕಟುಂಬದವರು ಅವರ ಮನವೊಲಿಸಲು ಯತ್ನಿಸಿದ್ದರೂ, ಮೈನಾಜ್‌ ನಿರ್ಧಾರ ಬದಲಿಸಲಿಲ್ಲ ಎಂದು ಮಹಿಳೆಯ ಮಾವ ಇದ್ರಿಸ್‌ ತಿಳಿಸಿದರು.