ಚುನಾವಣಾ ಆಯೋಗದ ಟ್ರೆಂಡ್: ಜಮ್ಮು–ಕಾಶ್ಮೀರದಲ್ಲಿ Congress–NC ಸರಳ ಬಹುಮತದತ್ತ

ನವದೆಹಲಿ: ಜಮ್ಮು ಮತ್ತು ಕಾಶ್ಮೀರದಲ್ಲಿ ವಿಧಾನಸಭೆ ಚುನಾವಣೆಯ ಮತ ಎಣಿಕೆ ನಡೆಯುತ್ತಿದ್ದು, ಚುನಾವಣಾ ಆಯೋಗವು ಬಿಡುಗಡೆ ಮಾಡಿರುವ ಟ್ರೆಂಡ್‌ಗಳ ಪ್ರಕಾರ, ಜಮ್ಮು ಕಾಶ್ಮೀರ ನ್ಯಾಷನಲ್ ಕಾನ್ಫರೆನ್ಸ್ ಮತ್ತು ಕಾಂಗ್ರೆಸ್ ಮೈತ್ರಿಕೂಟವು 47 ಸ್ಥಾನಗಳಲ್ಲಿ ಮುನ್ನಡೆಯೊಂದಿಗೆ ಸರಳ ಬಹುಮತದತ್ತ ದಾಪುಗಾಲಿಟ್ಟಿದೆ.

ಚುನಾವಣಾ ಆಯೋಗದ ಅಂಕಿಅಂಶಗಳ ಪ್ರಕಾರ, 90 ಕ್ಷೇತ್ರಗಳಲ್ಲಿ 3-5 ಸುತ್ತಿನ ಮತ ಎಣಿಕೆ ಪೂರ್ಣಗೊಂಡಿದೆ.

ಈ ಮಧ್ಯೆ, ಭಾರತೀಯ ಜನತಾ ಪಕ್ಷವು ಬೆಳಿಗ್ಗೆ 10:15ರ ಹೊತ್ತಿಗೆ 28 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿತ್ತು.

ಎನ್‌ಸಿ ಉಪಾಧ್ಯಕ್ಷ ಒಮರ್ ಅಬ್ದುಲ್ಲಾ, ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ರವೀಂದರ್ ರೈನಾ, ಯೂಸುಫ್ ತಾರಿಗಾಮಿ ಮತ್ತು ಮಾಜಿ ಸಚಿವರಾದ ತಾರಾ ಚಂದ್, ಮುಜಾಫರ್ ಬೇಗ್, ರಮಣ್ ಭಲ್ಲಾ, ಬಶರತ್ ಬುಖಾ ಮುಂತಾದ ಪ್ರಮುಖರು ಕಣದಲ್ಲಿದ್ದಾರೆ.

ಕಾಂಗ್ರೆಸ್-ಎನ್‌ಸಿ ಮೈತ್ರಿಕೂಟವು ಬಹುಮತದೊಂದಿಗೆ ಸರ್ಕಾರ ರಚಿಸಲಿದೆ. ಹಿಂದೆ ಜನರು ಕೇವಲ ಬಿಜೆಪಿಯ ಹೇಳಿಕೆಗಳನ್ನು ನಂಬಿದ್ದರು. ಈಗ, ಎಲ್ಲ ಸುಳ್ಳುಗಳು ಬಯಲಾಗಿದೆ. ಜನರಿಗೆ ಈಗ ಎಲ್ಲವೂ ತಿಳಿದಿದೆ. ಇದು ದೇವಾಲಯಗಳ ನಗರವಾಗಿತ್ತು. ಬಿಜೆಪಿ ಇದನ್ನು ಲಿಕ್ಕರ್‌ಗಳ ನಗರಿಮಾಡಿದೆ. ಮದ್ಯ ಮತ್ತು ಭೂಮಾಫಿಯಾದಿಂದ ಜನ ಹತಾಶರಾಗಿದ್ದಾರೆ ಎಂದು ಓಮರ್ ಅಬ್ದುಲ್ಲಾ ಹೇಳಿದ್ದಾರೆ. ಸಾರ್ವಜನಿಕರು ಅವರನ್ನು ನಂಬುವುದಿಲ್ಲ..ಬಿಜೆಪಿಯವರು ಪ್ರಜಾಪ್ರಭುತ್ವವನ್ನು ಕೊಲೆ ಮಾಡುತ್ತಿದ್ದಾರೆ. 5 ಶಾಸಕರ ನೇಮಕವನ್ನು ಚುನಾಯಿತ ಸರ್ಕಾರ ಮಾಡಬೇಕು. ಲೆಫ್ಟಿನೆಂಟ್ ಗವರ್ನರ್‌ಗೆ ಆ ಅಧಿಕಾರ ಇಲ್ಲ ಎಂದಿದ್ದಾರೆ.

ಇಂಡಿಯಾ ಮೈತ್ರಿಕೂಟದ ಪಾಲುದಾರರಾದ ಜಮ್ಮು ಮತ್ತು ಕಾಶ್ಮೀರ ನ್ಯಾಷನಲ್ ಕಾನ್ಫರೆನ್ಸ್ ಮತ್ತು ಕಾಂಗ್ರೆಸ್ ಜಂಟಿಯಾಗಿ ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಿದರೆ, ಪಿಡಿಪಿ ಮತ್ತು ಬಿಜೆಪಿ ಸ್ವತಂತ್ರವಾಗಿ ಸ್ಪರ್ಧಿಸಿದ್ದವು.

90 ಕ್ಷೇತ್ರಗಳ ಜಮ್ಮು ಮತ್ತು ಕಾಶ್ಮೀರ ವಿಧಾನಸಭಾ ಚುನಾವಣೆಯು ಮೂರು ಹಂತಗಳಲ್ಲಿ ಸೆಪ್ಟೆಂಬರ್ 18, ಸೆಪ್ಟೆಂಬರ್ 25 ಮತ್ತು ಅಕ್ಟೋಬರ್ 1ರಂದು ನಡೆದಿತ್ತು.

.