‘ಪಾರ್ಸಿ’ಗಳಿಗೆ ಹೊಸ ವರ್ಷದ ಶುಭಾಶಯ ಕೋರಿದ ಪ್ರಧಾನಿ ನರೇಂದ್ರ ಮೋದಿ

ನವದೆಹಲಿ: ಪಾರ್ಸಿ ಸಮುದಾಯದವರ ಹೊಸ ವರ್ಷ ‘ನವರೋಜ್’ಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಭಾನುವಾರ ಶುಭಾಶಯ ಕೋರಿದ್ದಾರೆ.

ಈ ಕುರಿತು ಟ್ವೀಟ್‌ ಮಾಡಿರುವ ಅವರು, ‘ಪಾರ್ಸಿ ಹೊಸ ವರ್ಷ ನವರೋಜ್‌ಗೆ ಮುಬಾರಕ್. ಪಾರ್ಸಿ ಸಮುದಾಯ ಭಾರತದ ಅಭಿವೃದ್ಧಿಗೆ ಎಲ್ಲಾ ಕ್ಷೇತ್ರಗಳಲ್ಲೂ ನೀಡಿರುವ ಕೊಡುಗೆ ಅಪಾರವಾದದು. ಹೊಸ ವರ್ಷ ಈ ಸಮುದಾಯಕ್ಕೆ ಶಾಂತಿ ಮತ್ತು ನೆಮ್ಮದಿ ತರಲಿ’ ಎಂದು ಹಾರೈಸಿದ್ದಾರೆ.

ಭಾರತದ ಅಲ್ಪಸಂಖ್ಯಾತರಲ್ಲಿ ಪಾರ್ಸಿ ಸಮುದಾಯವೂ ಒಂದು. ಈ ಸಮುದಾಯ ಎಲ್ಲಾ ಕ್ಷೇತ್ರಗಳಿಗೂ ಪ್ರತಿಭಾನ್ವಿತ ವ್ಯಕ್ತಿಗಳನ್ನು ಕೊಡುಗೆಯಾಗಿ ನೀಡಿದೆ.