ಯಾವುದೇ ರೀತಿಯಲ್ಲಾದರೂ ಅಧಿಕಾರ ಹಿಡಿಯುವುದು ಪ್ರಧಾನಿ ಮೋದಿ ಗುರಿ: ಪ್ರಿಯಾಂಕಾ

ಶಿಮ್ಲಾ: ಯಾವುದೇ ರೀತಿಯಲ್ಲಾದರೂ ಅಧಿಕಾರ ಹಿಡಿಯುವುದು ಪ್ರಧಾನಿ ನರೇಂದ್ರ ಮೋದಿ ಹಾಗೂ ಬಿಜೆಪಿ ನಾಯಕರ ಏಕೈಕ ಗುರಿಯಾಗಿದ್ದು, ಅದಕ್ಕಾಗಿ ಅವರು ಹಣಬಲ, ಶಾಸಕರಿಗೆ ಲಂಚ ನೀಡುವುದು, ದೇವರ ಹೆಸರಿನಲ್ಲಿ ಜನರ ದಿಕ್ಕುತಪ್ಪಿಸುವುದು ಮುಂತಾದ ಭ್ರಷ್ಟ ಪದ್ಧತಿಗಳಲ್ಲಿ ತೊಡಗಿದ್ದಾರೆ ಎಂದು ಕಾಂಗ್ರೆಸ್ ನಾಯಕಿ ಪ್ರಿಯಾಂಕಾ ಗಾಂಧಿ ಸೋಮವಾರ ಹೇಳಿದರು.

ಹಿಮಾಚಲ ಪ್ರದೇಶದ ಚಂಬಾದಲ್ಲಿ ಅವರು ಚುನಾವಣಾ ಪ್ರಚಾರ ನಡೆಸಿದರು.

‘ಕಾಂಗ್ರೆಸ್ 55 ವರ್ಷಗಳ ಕಾಲ ಅಧಿಕಾರದಲ್ಲಿತ್ತು. ಆದರೆ, ಶ್ರೀಮಂತ ಪಕ್ಷ ಆಗಲಿಲ್ಲ. ಆದರೆ, ಕೇವಲ 10 ವರ್ಷ ಆಡಳಿತ ನಡೆಸಿದ ಬಿಜೆಪಿ ಶ್ರೀಮಂತ ಪಕ್ಷವಾಯಿತು’ ಎಂದು ಅಭಿಪ್ರಾಯಪಟ್ಟರು.