ಜಾರ್ಖಂಡ್ | ಪೊಲೀಸ್–ಮಾವೋವಾದಿಗಳ ನಡುವೆ ಗುಂಡಿನ ಚಕಮಕಿ; ಅಧಿಕಾರಿಗೆ ಗಾಯ

ಗಢ್ವಾ: ಜಾರ್ಖಂಡ್‌ನ ಗಢ್ವಾ ಜಿಲ್ಲೆಯಲ್ಲಿ ಪೊಲೀಸರು ಹಾಗೂ ಮಾವೋವಾದಿಗಳ ನಡುವೆ ನಡೆದ ಗುಂಡಿನ ಕಾಳಗದಲ್ಲಿ ಪೊಲೀಸ್ ಅಧಿಕಾರಿಯೊಬ್ಬರು ಗಾಯಗೊಂಡಿದ್ದಾರೆ.

ರಾಜ್ಯ ರಾಜಧಾನಿ ಜಾರ್ಖಂಡ್‌ನಿಂದ 200 ಕಿ.ಮಿ ದೂರದಲ್ಲಿ ಇರುವ ದೆಂಗುರ ಗ್ರಾಮದಲ್ಲಿ, ರಾತ್ರಿ 1 ಗಂಟೆ ಸುಮಾರಿಗೆ ಎನ್‌ಕೌಂಟರ್‌ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮಾವೋವಾದಿಗಳ ಗುಂಪಾದ ಜಾರ್ಖಂಡ್‌ ಜನ ಮುಕ್ತಿ ಪರಿಷತ್‌ (ಜೆ.ಜೆ.ಎಂ.ಪಿ) ಹಾಗೂ ಪೊಲೀಸರ ನಡುವೆ ಗುಂಡಿನ ಚಕಮಕಿ ವೇಳೆ ರಂಕಾ ಪೊಲೀಸ್‌ ಠಾಣೆಯ ಉಸ್ತುವಾರಿ ಶಂಕರ್‌ ಪ್ರಸಾದ್‌ ಕುಶ್ವಾಹ ಅವರಿಗೆ ಗಾಯವಾಗಿದೆ ಎಂದು ಗಢ್ವಾ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪಕ್ ಕುಮಾರ್‌ ಪಾಂಡೆ ಮಾಹಿತಿ ನೀಡಿದ್ದಾರೆ.

ಗಢ್ವಾದಲ್ಲಿ ಪ್ರಾಥಮಿಕ ಚಿಕಿತ್ಸೆ ಪಡೆದ ಬಳಿಕ, ಕುಶ್ವಾಹ ಅವರನ್ನು ಉನ್ನತ ಚಿಕಿತ್ಸೆಗಾಗಿ ರಾಂಚಿ ಆಸ್ಪತ್ರೆಗೆ ಸೇರಿಸಲಾಗಿದೆ. ಕುಶ್ವಾಹ ಅವರ ಬಲಗೈಗೆ ಗುಂಡಿನ ಗಾಯಗಳಾಗಿವೆ.

ಮಾವೋವಾದಿಗಳ ಪತ್ತೆಗೆ ಕಾರ್ಯಾಚರಣೆ ನಡೆಸಲಾಗುತ್ತಿದೆ ಎಂದು ಪೊಲೀಸ್ ವರಿಷ್ಠಾಧಿಕಾರಿ ತಿಳಿಸಿದ್ದಾರೆ.