ಯೂಟ್ಯೂಬ್‌ನಿಂದ ಪಾಕ್ ಗಾಯಕರ ಹಾಡು ತೆರವುಗೊಳಿಸಿದ ಟಿ–ಸಿರೀಸ್‌

ಮುಂಬೈ: ಪುಲ್ವಾಮಾದಲ್ಲಿ ನಡೆದ ಉಗ್ರ ದಾಳಿಯ ಹಿನ್ನೆಲೆಯಲ್ಲಿ ತನ್ನ ಯೂಟ್ಯೂಬ್‌ ಚಾನೆಲ್‌ನಿಂದ ಪಾಕಿಸ್ತಾನಿ ಗಾಯಕರ ಹಾಡುಗಳನ್ನು ಟಿ–ಸಿರೀಸ್‌ ತೆರವುಗೊಳಿಸಿದೆ. ಪಾಕಿಸ್ತಾನಿ ಗಾಯಕರ ಹಾಡುಗಳನ್ನು ತೆರವುಗೊಳಿಸುವಂತೆ ಮತ್ತು ಅವರ ಜತೆ ಕೆಲಸ ಮಾಡದಂತೆ ಮಹಾರಾಷ್ಟ್ರ ನವನಿರ್ಮಾಣ ಸೇನೆ (ಎಂಎನ್‌ಎಸ್) ಶನಿವಾರ ಮ್ಯೂಸಿಕ್‌ ಕಂಪೆನಿಗಳಿಗೆ ಆಗ್ರಹಿಸಿತ್ತು.

ಪಾಕಿಸ್ತಾನದ ಗಾಯಕರಾದ ಫತೇಹ್ ಅಲಿ ಖಾನ್ ಮತ್ತು ಅತಿಫ್ ಅಸ್ಲಾಂ ಅವರ ಆಲ್ಪಂಗಳನ್ನು ಹೊರತರಲು ಟಿ– ಸಿರೀಸ್‌ಈಚೆಗಷ್ಟೇ ಒಪ್ಪಂದ ಮಾಡಿಕೊಂಡಿತ್ತು.

‘ಪಾಕಿಸ್ತಾನಿ ಗಾಯಕರ ಜತೆ ಕೆಲಸ ಮಾಡದಂತೆ ಟಿ–ಸಿರೀಸ್‌, ಸೋನಿ ಮ್ಯೂಸಿಕ್, ವೀನಸ್, ಟಿಪ್ಸ್‌ ಮ್ಯೂಸಿಕ್ ಮತ್ತಿತರ ಭಾರತೀಯ ಮ್ಯೂಸಿಕ್‌ ಕಂಪೆನಿಗಳಿಗೆ ಸೂಚಿಸಿದ್ದೇವೆ. ಈ ಕಂಪೆನಿಗಳು ತಕ್ಷಣವೇ ಅವರೊಂದಿಗೆ ಕೆಲಸ ಮಾಡುವುದನ್ನು ನಿಲ್ಲಿಸಬೇಕು. ಇಲ್ಲವಾದಲ್ಲಿ ನಾವು ಕ್ರಮ ಕೈಗೊಳ್ಳಲಿದ್ದೇವೆ’ ಎಂದು ಎಂಎನ್‌ಎಸ್‌ನ ಚಲನಚಿತ್ರ ವಿಭಾಗದ ಮುಖ್ಯಸ್ಥ ಅಮೇಯ್ ಖೋಪ್ಕರ್ ತಿಳಿಸಿದ್ದಾರೆ.

2016ರಲ್ಲಿ ಉರಿಯಲ್ಲಿ ನಡೆದ ಭಯೋತ್ಪಾದಕ ದಾಳಿಯ ಬಳಿಕ ಎಲ್ಲ ಪಾಕಿಸ್ತಾನಿ ಕಲಾವಿದರು ಭಾರತ ಬಿಟ್ಟು ತೆರಳುವಂತೆ ಸೂಚಿಸಿದ್ದಎಂಎನ್‌ಎಸ್ 48 ಗಂಟೆಗಳ ಗಡುವನ್ನೂ ವಿಧಿಸಿತ್ತು.