ಗುರುದಾಸ್‌ಪುರ: ಟಿಫಿನ್ ಬಾಂಬ್, 4 ಗ್ರೆನೇಡ್ ವಶ

ಚಂಡೀಗಡ: ಪಂಜಾಬಿನ ಗುರುದಾಸ್‌ಪುರ ಜಿಲ್ಲೆಯಲ್ಲಿ ಒಂದು ಟಿಫಿನ್ ಬಾಂಬ್ ಮತ್ತು ನಾಲ್ಕು ಗ್ರೆನೇಡ್‌ಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ ಎಂದು ಅಧಿಕಾರಿಗಳು ಶುಕ್ರವಾರ ತಿಳಿಸಿದ್ದಾರೆ.

ದೀನನಗರದಲ್ಲಿ ಒಂದು ಕೆ.ಜಿ ಆರ್‌ಡಿಎಕ್ಸ್‌ ಅನ್ನು ವಶಪಡಿಸಿಕೊಂಡ ಎರಡು ದಿನಗಳ ನಂತರ ಸಲೇಂಪುರ ಪ್ರದೇಶದಲ್ಲಿ ಸ್ಫೋಟಕಗಳನ್ನು ವಶಪಡಿಸಿಕೊಳ್ಳಲಾಗಿದೆ. ತನಿಖೆಯನ್ನು ನಡೆಸಲಾಗುತ್ತಿದೆ ಎಂದೂ ಅವರು ತಿಳಿಸಿದ್ದಾರೆ.