ರಾಜ್ಯಸಭೆಯಲ್ಲಿ ತ್ರಿವಳಿ ತಲಾಖ್‌ ಮಸೂದೆ ಅಂಗೀಕಾರ

ನವದೆಹಲಿ:ರಾಜ್ಯಸಭೆಯಲ್ಲಿ ತ್ರಿವಳಿ ತಲಾಖ್‌ ಮಸೂದೆ ಮಂಗಳವಾರ ಅಂಗೀಕಾರ ಪಡೆಯಿತು.

ಕಳೆದ 18 ತಿಂಗಳ ಅವಧಿಯಲ್ಲಿ ನರೇಂದ್ರ ಮೋದಿ ಸರ್ಕಾರ ಲೋಕಸಭೆಯಲ್ಲಿ ಎರಡು ಬಾರಿ ಅಂದರೆ 2017 ಮತ್ತು 2018ರಲ್ಲಿ ಮಸೂದೆಗೆ ಅಂಗೀಕಾರ ಪಡೆದುಕೊಂಡಿದೆ. ಆದರೆ, ಎನ್‌ಡಿಎ ಅಗತ್ಯ ಸದಸ್ಯ ಬಲವನ್ನು ಹೊಂದಿಲ್ಲದ ರಾಜ್ಯಸಭೆಯಲ್ಲಿ ಮಸೂದೆಗೆ ಬೆಂಬಲ ಪಡೆಯಲುಸಾಧ್ಯವಾಗಿರಲಿಲ್ಲ.

ಇಂದು ನಡೆದ ರಾಜ್ಯಸಭೆ ಕಲಾಪದಲ್ಲಿ ತ್ರಿವಳಿ ತಲಾಖ್‌ ಮಸೂದೆ ಅಂಗೀಕಾರ ಪಡೆಯಿತು. ತ್ರಿವಳಿ ತಲಾಖ್ ಮಸೂದೆಪರವಾಗಿ 99ಮತಗಳು, ವಿರೋಧವಾಗಿ 84 ಮತಗಳು ಬಿದ್ದವು.