34 ನದಿಗಳ ಶುದ್ಧೀಕರಣಕ್ಕೆ ₹5800 ಕೋಟಿ ಮಂಜೂರು

ನವದೆಹಲಿ : ಗಂಗಾ ನದಿ ಸೇರಿದಂತೆ 16 ರಾಜ್ಯಗಳ 34 ನದಿಗಳ ಮಾಲಿನ್ಯ ನಿಯಂತ್ರಣಕ್ಕೆ ₹5,800 ಕೋಟಿ ಮಂಜೂರಾಗಿದೆ ಎಂದು ಕೇಂದ್ರ ಪರಿಸರ ಸಚಿವಾಲಯ ತಿಳಿಸಿದೆ.

ಲೋಕಸಭೆಯಲ್ಲಿ ಇತ್ತೀಚೆಗೆ ಮಾಹಿತಿ ನೀಡಿದ ಪರಿಸರ ಖಾತೆ ರಾಜ್ಯ ಸಚಿವ ಬಾಬುಲ್ ಸುಪ್ರಿಯೊ, ರಾಷ್ಟ್ರೀಯ ನದಿ ಸಂರಕ್ಷಣಾ ಯೋಜನೆಯಡಿ (ಎನ್‌ಆರ್‌ಸಿಪಿ) ನದಿಗಳ ಶುದ್ಧೀಕರಣ ಕೆಲಸಕ್ಕೆ ಕೇಂದ್ರದ ಪಾಲು ₹2,522 ಕೋಟಿಯನ್ನು ರಾಜ್ಯಗಳಿಗೆ ಬಿಡುಗಡೆ ಮಾಡಲಾಗಿದೆ ಎಂದರು.

ಇದೇ ಯೋಜನೆಯಡಿ ಕಳೆದ ವರ್ಷ 9 ರಾಜ್ಯಗಳಿಗೆ ₹143 ಕೋಟಿ ಬಿಡುಗಡೆ ಮಾಡಲಾಗಿತ್ತು. ಕಳೆದ ಮೂರು ವರ್ಷಗಳಲ್ಲಿ 20 ರಾಜ್ಯಗಳಿಗೆ ₹181 ಕೋಟಿ ಬಿಡುಗಡೆಯಾಗಿದೆ ಎಂದು ಮಾಹಿತಿ ನೀಡಿದರು.

ಕೇಂದ್ರ ಮಾಲಿನ್ಯ ನಿಯಂತ್ರಣ ಮಂಡಳಿ 351 ಕಡೆಗಳಲ್ಲಿ ನದಿಗಳ ಮಾಲಿನ್ಯವನ್ನು ಗುರುತಿಸಿದೆ.