ರೈಲ್ವೆ: ಎ.ಸಿ ಚೇರ್ ಕಾರ್‌ ದರದಲ್ಲಿ ಶೇ 25 ರಿಯಾಯ್ತಿ

ನವದೆಹಲಿ: ಎಲ್ಲ ರೈಲುಗಳಲ್ಲಿನ ಎ.ಸಿ ಚೇರ್ ಕಾರ್‌, ಎಕ್ಸಿಕ್ಯೂಟಿವ್ ಕ್ಲಾಸ್ ಕೋಚ್‌ಗಳ ಪ್ರಯಾಣದಲ್ಲಿ ಆಸನಗಳ ಲಭ್ಯತೆಗೆ ಅನುಗುಣವಾಗಿ ಗರಿಷ್ಠ ಶೇ 25ರಷ್ಟು ರಿಯಾಯಿತಿ ನೀಡಲಾಗುವುದು ಎಂದು ರೈಲ್ವೆ ಮಂಡಳಿ ಶನಿವಾರ ತಿಳಿಸಿದೆ.

ವಂದೇ ಭಾರತ್, ಅನುಭೂತಿ ಹಾಗೂ ವಿಸ್ಟಾಡೋಮ್‌ ಕೋಚ್‌ಗಳಿರುವ ರೈಲುಗಳಿಗೂ ಈ ರಿಯಾಯಿತಿ ಅನ್ವಯ. ಮುಂಗಡ ಬುಕಿಂಗ್ ಚಾರ್ಜ್, ಸೂಪರ್ ಫಾಸ್ಟ್ ಸರ್‌ಚಾರ್ಜ್‌, ಜಿಎಸ್‌ಟಿ ಮತ್ತಿತರ ಶುಲ್ಕಗಳು ಹಾಗೇ ಇರಲಿವೆ ಎಂದು ಮಂಡಳಿ ತಿಳಿಸಿದೆ.