ಸಮಾಜವಾದಿ ಪಕ್ಷದ ನಾಯಕ ರಾಮಮೂರ್ತಿ ಸಿಂಗ್‌ ವರ್ಮಾ ನಿಧನ

ಶಹಜಹಾನ್‌ಪುರ: ಉತ್ತರ ಪ್ರದೇಶದ ಮಾಜಿ ಸಚಿವ ಮತ್ತು ಸಮಾಜವಾದಿ ಪಕ್ಷದ ನಾಯಕ ರಾಮಮೂರ್ತಿ ಸಿಂಗ್‌ ವರ್ಮಾ (71) ದೀರ್ಘಕಾಲದ ಅನಾರೋಗ್ಯದಿಂದಾಗಿ ಶುಕ್ರವಾರ ನಿಧನರಾದರು.

‘ರಾಮಮೂರ್ತಿ ಅವರನ್ನು ಬುಧವಾರ ಬರೇಲಿಯಾ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅಲ್ಲಿ ಅವರಿಗೆ ಡಯಾಲಿಸಿಸ್ ಚಿಕಿತ್ಸೆ ನೀಡಲಾಗುತ್ತಿತ್ತು. ಆದರೆ ಚಿಕಿತ್ಸೆಗೆ ಸ್ಪಂದಿಸದೆ ಶುಕ್ರವಾರ ಬೆಳಿಗ್ಗೆ 2.30ಕ್ಕೆ ಅವರು ಆಸ್ಪತ್ರೆಯಲ್ಲಿ ಕೊನೆ ಉಸಿರೆಳೆದರು’ ಎಂದು ಪಕ್ಷದ ಜಿಲ್ಲಾಧ್ಯಕ್ಷ ತನ್ವೀರ್‌ ಖಾನ್‌ ತಿಳಿಸಿದರು.

ವರ್ಮಾ ಅವರು ಜಲಾಲಾಬಾದ್‌ ಕ್ಷೇತ್ರದಿಂದ ಮೂರು ಬಾರಿ ಹಾಗೂ ದಾದ್ರೌಲ್‌ನಿಂದ ಒಂದು ಬಾರಿ ಶಾಸಕರಾಗಿ ಆಯ್ಕೆಯಾಗಿದ್ದರು. ಅವರು ಶಹಜಹಾನ್‌ಪುರವನ್ನು ಕೂಡ ಲೋಕಸಭೆಯಲ್ಲಿ ಪ್ರತಿನಿಧಿಸಿದ್ದರು.

ಬಿಜೆಪಿ ಶಾಸಕ ನಿಧನ:ಉತ್ತರ ಪ್ರದೇಶದ ಬಿಜೆಪಿ ಶಾಸಕ ರಮೇಶ್‌ ದಿವಾಕರ್‌ ಅವರು ಗುರುವಾರ ರಾತ್ರಿ ಕೋವಿಡ್‌ ಮೃತಪಟ್ಟರು.