ಶೀನಾ ಬೋರಾ ಹತ್ಯೆ ಪ್ರಕರಣ: ಆರೋಪಿಗೆ ಜಾಮೀನು

ಮುಂಬೈ: ಶೀನಾ ಬೋರಾ ಹತ್ಯೆ ಪ್ರಕರಣದ ಆರೋಪಿ ಶ್ಯಾಮವರ್ ರಾಯ್‌ಗೆ ಬಾಂಬೆ ಹೈಕೋರ್ಟ್‌ ಶನಿವಾರ ಜಾಮೀನು ಮಂಜೂರು ಮಾಡಿದೆ.

ಪ್ರಕರಣದ ಪ್ರಮುಖ ಆರೋಪಿ ಇಂದ್ರಾಣಿ ಮುಖರ್ಜಿಯ ಕಾರು ಚಾಲಕನಾಗಿದ್ದ ಶ್ಯಾಮವರ್‌, ಹತ್ಯೆಯ ರಹಸ್ಯವನ್ನು ಮುಂಬೈ ಪೊಲೀಸರ ಎದುರು ಬಾಯ್ಬಿಟ್ಟಿದ್ದ. ಆತನ ಹೇಳಿಕೆ ಆಧಾರದಲ್ಲಿ 2015ರಲ್ಲಿ ಇಂದ್ರಾಣಿ, ಆತನ ಪತಿ ಸಂಜೀವ್‌ ಖನ್ನಾ ಅವರನ್ನು ಬಂಧಿಸಲಾಗಿತ್ತು.

ಪೀಟರ್‌ ಮುಖರ್ಜಿ ಸೇರಿದಂತೆ ಪ್ರಕರಣದ ಇತರ ಆರೋಪಿಗಳೆಲ್ಲಾ ಜಾಮೀನಿನ ಮೇಲೆ ಈ ಹಿಂದೆ ಜೈಲಿನಿಂದ ಬಿಡುಗಡೆಯಾಗಿದ್ದರು.