ಮಣಿಪುರ | ನಿಷೇಧಿತ ಕೆವೈಕೆಎಲ್ ಸಂಘಟನೆಯ ಆರು ಮಂದಿಯ ಬಂಧನ

ಇಂಫಾಲ: ಮಣಿಪುರದ ಇಂಫಾಲ ಪಶ್ಚಿಮ ಜಿಲ್ಲೆಯಲ್ಲಿ ನಿಷೇಧಿತ ಕಾಂಗ್ಲೆಯಿ ಯವೊಲ್ ಕನ್ಬಾ ಲುಪ್ (ಕೆವೈಕೆಎಲ್) ಸಂಘಟನೆಯ ಆರು ಮಂದಿಯನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇಂಫಾಲ ಪಶ್ಚಿಮ ಜಿಲ್ಲೆಯ ಅವಾಂಗ್ ಪೊಟ್ಸಂಗ್ಬಾಮ್ ಪ್ರದೇಶದಲ್ಲಿ ಕೆವೈಕೆಎಲ್ ಸದಸ್ಯರನ್ನು ಬಂಧಿಸಲಾಗಿದೆ ಎಂದು ಅವರು ತಿಳಿಸಿದ್ದಾರೆ.

ಬಂಧಿತರಿಂದ ಭದ್ರತಾ ಪಡೆ, ಮೂರು ಗನ್ ಟಾಪಿಂಗ್ ಲೆನ್ಸ್, ಮಿಲಿಟರಿ ಉಡುಪು, ಮದ್ದುಗುಂಡು ಮತ್ತು ವಾಹನವೊಂದನ್ನು ವಶಪಡಿಸಿದೆ ಎಂದು ಹೇಳಿದ್ದಾರೆ.

ಇದರ ಬೆನ್ನಲ್ಲೇ ಮತ್ತಷ್ಟು ಕಾರ್ಯಾಚರಣೆ ನಡೆಸಿರುವ ಪೊಲೀಸರು, ಒಂದು ಸಿಂಗಲ್ ಬ್ಯಾರೆಲ್ ಗನ್, ಒಂದು ಡಬಲ್ ಬ್ಯಾರೆಲ್ ಗನ್, 75 ಜೀವಂತ ಗುಂಡುಗಳು, ಎಕೆ-47ನ ಮೂರು ಲೋಡೆಡ್ ಮ್ಯಾಗಜೀನ್, 230 ಬೇರ್ಪಡಿಸಿದ ಗುಂಡುಗಳು, ಏರ್ ವೈರ್‌ಲೆಸ್ ವಾಕಿ-ಟಾಕಿ ಸೆಟ್ ಮತ್ತು ಇತರೆ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.