ಕಾರಿಗೆ ಬೆಂಕಿ ಹಚ್ಚಿ, ಭಾರತೀಯ ಸೈನಿಕನ ಅಪಹರಿಸಿದ ಶಂಕಿತ ಉಗ್ರರು

ಶ್ರೀನಗರ: ದಕ್ಷಿಣ ಕಾಶ್ಮೀರದ ಕುಲ್ಗಾಂಜಿಲ್ಲೆಯಲ್ಲಿ ಶಂಕಿತ ಉಗ್ರರು ಭಾನುವಾರ ಸಂಜೆ ಭಾರತೀಯ ಸೈನಿಕನನ್ನುಅಪಹರಿಸಿದ್ದಾರೆ. ನಂತರ ಅವರ ವಾಹನಕ್ಕೆ ಬೆಂಕಿ ಹಚ್ಚಿದ್ದಾರೆ.

‘ಬೆಟಾಲಿಯನ್‌-162ನ ರೈಫಲ್‌ಮನ್ ಶಕೀರ್ ಮನ್ಸೂರ್‌ ಅವರು ಭಾನುವಾರ ಸಂಜೆ 5ರಿಂದ ಕಾಣೆಯಾಗಿದ್ದಾರೆ. ಅವರು ಬಳಸುತ್ತಿದ್ದ ಕಾರು ಸುಟ್ಟ ಸ್ಥಿತಿಯಲ್ಲಿ ಕುಲ್ಗಂ ಬಳಿ ಪತ್ತೆಯಾಗಿದೆ. ಸೈನಿಕನನ್ನು ಭಯೋತ್ಪಾದಕರು ಅಪಹರಿಸಿದ್ದಾರೆ ಎಂದು ಶಂಕಿಸಲಾಗಿದೆ. ಅವರ ಪತ್ತೆಗಾಗಿ ಕಾರ್ಯಾಚರಣೆ ಪ್ರಗತಿಯಲ್ಲಿದೆ’ ಎಂದು ಸೇನೆಯ ಶ್ರೀನಗರ 15-ಕಾರ್ಪ್ಸ್ ಟ್ವೀಟ್ ಮಾಡಿದೆ.

ದಮ್ಹಾಲ್‌ನ ಹಾಂಜಿಪೊರಾ ಕಾರ್ಯನಿರ್ವಹಿಸುತ್ತಿರುವ, ಶೋಪಿಯಾನ್ ಜಿಲ್ಲೆಯ ನಿವಾಸಿ ಮನ್ಸೂರ್‌ ಅವರ ಕಾರನ್ನು ಅಡ್ಡಗಟ್ಟಿ ಉಗ್ರರು ಅವರನ್ನು ಅಪಹರಿಸಿದ್ದಾರೆ. ನಂತರ ಕಾರನ್ನು ಸುಟ್ಟುಹಾಕಲಾಗಿದೆ ಎಂದು ಮೂಲಗಳು ತಿಳಿಸಿವೆ.