Telangana Election | ರಾಜಕೀಯ ಅಲ್ಲ, ಇದು ಸೈದ್ಧಾಂತಿಕ ಹೋರಾಟ: ರಾಹುಲ್ ಗಾಂಧಿ

ಹೈದರಾಬಾದ್: ಚುನಾವಣಾ ಹೊಸ್ತಿಲಲ್ಲಿರುವ ತೆಲಂಗಾಣದಲ್ಲಿ ರ್‍ಯಾಲಿಯಲ್ಲಿ ಭಾಗವಹಿಸಿ ಮಾತನಾಡಿದ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ, 'ನಮ್ಮ ಹೋರಾಟ ರಾಜಕೀಯ ಅಲ್ಲ, ಸೈದ್ದಾಂತಿಕ ಹೋರಾಟ' ಎಂದು ಹೇಳಿದ್ದಾರೆ.

ಈ ಕುರಿತಂತೆ ರಾಹುಲ್ ಗಾಂಧಿ ಅವರ ಭಾಷಣದ ವಿಡಿಯೊವನ್ನು ಸುದ್ದಿಸಂಸ್ಥೆ 'ಎಎನ್‌ಐ' ಸಾಮಾಜಿಕ ಮಾಧ್ಯಮ ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿದೆ.

ನಿಜಾಮಾಬಾದ್ ಜಿಲ್ಲೆಯಲ್ಲಿ ಮಾತನಾಡಿದ ರಾಹುಲ್, 'ಇದು ನಮ್ಮ ಪಾಲಿಗೆ ರಾಜಕೀಯದ ಹೋರಾಟವಲ್ಲ. ಇದು ಸೈದ್ಧಾಂತಿಕ ಹೋರಾಟವಾಗಿದ್ದು, ಡಿಎನ್‌ಎಗಾಗಿನ (ರಕ್ತ) ಹೋರಾಟ' ಎಂದು ಹೇಳಿದ್ದಾರೆ.

ಇದಕ್ಕಾಗಿ ನನ್ನ ಕುಟುಂಬ ಕಳೆದ 100 ವರ್ಷಗಳಿಂದ ಹೋರಾಡುತ್ತಿದೆ ಎಂದು ಅವರು ಉಲ್ಲೇಖಿಸಿದ್ದಾರೆ.

'ತೆಲಂಗಾಣದಲ್ಲಿ ಬಿಆರ್‌ಎಸ್ ಪಕ್ಷಕ್ಕೆ ಸೋಲಾಗಲಿದೆ. ರಾಜಸ್ಥಾನ, ಮಧ್ಯಪ್ರದೇಶ, ಛತ್ತೀಸಗಢದಲ್ಲೂ ಬಿಜೆಪಿಗೆ ಸೋಲು ಎದುರಾಗಲಿದೆ' ಎಂದು ಅವರು ಹೇಳಿದರು.