‘ಮೋದಿ ಭಾಷಣ ವಿಚಾರ ಪ್ರಚೋದಕ’

ನವದೆಹಲಿ: ಸ್ವಾತಂತ್ರ್ಯ ದಿನಾಚರಣೆಯಂದು ಪ್ರಧಾನಿ ನರೇಂದ್ರ ಮೋದಿ ಮಾಡಿದ ಭಾಷಣ ವಿಚಾರ ಪ್ರಚೋದಕವಾಗಿತ್ತು ಎಂದು ನಟ, ಕಾಂಗ್ರೆಸ್‌ ಮುಖಂಡ ಶತ್ರುಘ್ನ ಸಿನ್ಹಾ ಹೇಳಿದ್ದಾರೆ.

‘ಯಾವುದೇ ವಿಷಯವನ್ನು ನಿರ್ಭಿಡೆ, ನಿಷ್ಠುರವಾಗಿ ಹೇಳುವುದು ನನ್ನ ಜಾಯಮಾನ. ಭಾಷಣ ಅದ್ಭುತ ವಾಗಿತ್ತು.ದೇಶ ಎದುರಿಸುತ್ತಿರುವ ಸಮಸ್ಯೆಗಳನ್ನು ಸಮರ್ಥವಾಗಿ ಜನರ ಮುಂದಿಟ್ಟಿದ್ದಾರೆ’ ಎಂದು ಭಾನುವಾರ ಟ್ವೀಟ್‌ ಮಾಡಿದ್ದಾರೆ ಎಂದು ಎನ್‌ಡಿಟಿವಿ ವರದಿ ಮಾಡಿದೆ.