ಉತ್ತರ ಪ್ರದೇಶ: ಗಂಗಾನದಿಯಲ್ಲಿ ಮತ್ತೆ ತೇಲಿದ ಮೂರು ಶವಗಳು

ಕನೌಜ್‌(ಉತ್ತರ ಪ್ರದೇಶ): ‘ಕನೌಜ್‌–ಹರ್ದೊಯಿ ಗಡಿ ಬಳಿ ಗಂಗಾ ನದಿಯಲ್ಲಿ ಮಹಿಳೆ ಸೇರಿದಂತೆ ಮೂವರ ಶವಗಳು ಪತ್ತೆಯಾಗಿವೆ’ ಎಂದು ಪೊಲೀಸರು ಭಾನುವಾರ ತಿಳಿಸಿದರು.

‘ಬದ್ನಾಪುರ ಘಾಟ್ ಬಳಿ ನದಿಯಲ್ಲಿ ಶವಗಳು ತೇಲುತ್ತಿರುವುದು ಶನಿವಾರ ಕಂಡುಬಂದಿದೆ. ಸದ್ಯ ಈ ಮೃತದೇಹಗಳನ್ನು ಹರ್ದೊಯಿ ಪೊಲೀಸರಿಗೆ ಹಸ್ತಾಂತರಿಸಲಾಗಿದೆ’ ಎಂದು ಕನೌಜ್‌ ಪೊಲೀಸ್‌ ವರಿಷ್ಠಾಧಿಕಾರಿ ಪ್ರಶಾಂತ್‌ ವರ್ಮಾ ಅವರು ಮಾಹಿತಿ ನೀಡಿದರು.