ಚಾರ್‌ಮಿನರ್‌ ಎಕ್ಸ್‌ಪ್ರೆಸ್‌ | ಹಳಿ ತಪ್ಪಿದ 3 ಬೋಗಿಗಳು: 6 ಮಂದಿಗೆ ಗಾಯ

ಹೈದರಾಬಾದ್: ಚೆನ್ನೈ–ಹೈದರಾಬಾದ್‌ ಚಾರ್‌ಮಿನಾರ್‌ ಎಕ್ಸ್‌ಪ್ರೆಸ್‌ ರೈಲಿನ 3 ಬೋಗಿಗಳು ಹಳಿ ತಪ್ಪಿ, ಆರು ಮಂದಿ ಪ್ರಯಾಣಿಕರು ಗಾಯಗೊಂಡಿರುವ ಘಟನೆ ಹೈದರಾಬಾದ್‌ನ ನಾಂಪಲ್ಲಿ ರೈಲು ನಿಲ್ದಾಣದಲ್ಲಿ ಬುಧವಾರ ನಡೆಯಿತು.

‘ನಿಲ್ದಾಣದ ಕಡೆ ನಿಧಾನವಾಗಿ ಬರುತ್ತಿದ್ದ ರೈಲಿನ 3 ಬೋಗಿಗಳು ಒಂದಕ್ಕೊಂದು ಡಿಕ್ಕಿ ಹೊಡೆದು ಹಳಿ ತಪ್ಪಿದೆ. ಗಾಯಗೊಂಡಿರುವ 6 ಪ್ರಯಾಣಿಕರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆ ಬಗ್ಗೆ ತನಿಖೆ ನಡೆಯುತ್ತಿದೆ’ ಎಂದು ದಕ್ಷಿ‌ಣ ರೈಲ್ವೆಯ ಅಧಿಕಾರಿಗಳು ತಿಳಿಸಿದ್ದಾರೆ.

ಈ ರೈಲು ಮಂಗಳವಾರ ಸಂಜೆ ಚೆನ್ನೈನಿಂದ ಹೊರಟಿತ್ತು.