ಕಾಶಿ, ಮಥುರಾ ಪುನರ್‌ಸ್ಥಾಪನೆಗೆ ಸ್ವಾಮೀಜಿಯೊಬ್ಬರ ಪ್ರತಿಜ್ಞೆ

ಅಯೋಧ್ಯೆ: ವಾರಾಣಸಿಯ ಕಾಶಿ ವಿಶ್ವನಾಥ ದೇವಾಲಯ ಮತ್ತು ಮಥುರಾದ ಶ್ರೀ ಕೃಷ್ಣ ಜನ್ಮ ಭೂಮಿಯನ್ನೂ ಮರು ಸ್ಥಾಪಿಸಲು ಹಿಂದೂ ಸ್ವಾಮೀಜಿಯೊಬ್ಬರು ಪ್ರತಿಜ್ಞೆ ಮಾಡಿದ್ದಾರೆ.

ಹೀಗೆ ಶಪಥ ಮಾಡಿರುವ ಜಗದ್ದುರು ರಾಮಭದ್ರಾಚಾರ್ಯರು, ಅಯೋಧ್ಯೆಯಲ್ಲಿ ಸೋಮವಾರ ನಡೆಯಲಿರುವ ರಾಮ ಪ್ರತಿಷ್ಠಾಪನಾ ಕಾರ್ಯಕ್ರಮದ ಆಹ್ವಾನಿತರಲ್ಲಿ ಒಬ್ಬರು.

‘ಈ ಹಿಂದೆ ಅಯೋಧ್ಯೆಯಲ್ಲಿ ರಾಮಮಂದಿರ ಜೀರ್ಣೋದ್ಧಾರ ಆಗುವವರೆಗೆ ಪ್ರವಚನ ನೀಡುವುದಿಲ್ಲ ಎಂದು ನಾನು ಶಪಥ ಮಾಡಿದ್ದೆ. ಈಗ ಶ್ರೀರಾಮನು ತನ್ನ ಮನೆ ಸೇರಿದ್ದಾನೆ. ಹೀಗಾಗಿ ಪ್ರವಚನ ನೀಡಿದ್ದೇನೆ’ ಎಂದು ಹೇಳಿದರು.

ರಾಮ ದೇವರ ಪ್ರತಿಷ್ಠಾಪನಾ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳದಿರುವ ಕಾಂಗ್ರೆಸ್‌ ನಾಯಕರನ್ನು ಅವರು ತರಾಟೆಗೆ ತೆಗೆದುಕೊಂಡರು.