Aadhaar | ಯುಐಡಿಎಐ ಸಿಇಒ ಅಮಿತ್‌ ಅಗರವಾಲ್‌ ಅವಧಿ ವಿಸ್ತರಣೆ

ನವದೆಹಲಿ: ಭಾರತದ ವಿಶಿಷ್ಟ ಗುರುತಿನ ಚೀಟಿ ಪ್ರಾಧಿಕಾರದ (ಯುಐಡಿಎಐ) ಸಿಇಒ ಅಮಿತ್‌ ಅಗರವಾಲ್ ಅವರ ಅಧಿಕಾರ ಅವಧಿಯನ್ನು ಒಂದು ವರ್ಷ ವಿಸ್ತರಿಸಿ ಕೇಂದ್ರ ಸರ್ಕಾರ ಆದೇಶಿಸಿದೆ.

ಅಗರವಾಲ್‌ ಅವರ ಅಧಿಕಾರ ಅವಧಿಯು 2023ರ ನವೆಂಬರ್ 2ರ ವರೆಗೆ ಇತ್ತು. ಅದನ್ನು ಸಚಿವ ಸಂಪುಟದ ನೇಮಕಾತಿ ಸಮಿತಿಯು 2024ರ ನವೆಂಬರ್‌ 2ರ ವರೆಗೆ ವಿಸ್ತರಿಸಿದೆ ಎಂದು ಸಿಬ್ಬಂದಿ ಸಚಿವಾಲಯ ತಿಳಿಸಿದೆ.

ಛತ್ತೀಸ್‌ಗಢ ಕೆಡರ್‌ನ 1993ರ ಬ್ಯಾಚ್‌ನ ಐಎಎಸ್‌ ಅಧಿಕಾರಿಯಾಗಿರುವ ಅಗರವಾಲ್‌, ಯುಐಡಿಎಐ ಸಿಇಒ ಆಗುವುದಕ್ಕೂ ಮೊದಲು ಕೇಂದ್ರ ಎಲೆಕ್ಟ್ರಾನಿಕ್ಸ್‌ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯದ ಹೆಚ್ಚುವರಿ ಕಾರ್ಯದರ್ಶಿ ಆಗಿದ್ದರು.