ಉಕ್ರೇನ್‌: ಬ್ಯಾಲಿಸ್ಟಿಕ್‌ ಕ್ಷಿಪಣಿ ದಾಳಿ ನಂತರ ಸಂಸತ್‌ ಕಲಾಪ ರದ್ದು

ಕೀವ್‌: ರಷ್ಯಾವು ನೂತನ ಬ್ಯಾಲಿಸ್ಟಿಕ್‌ ಕ್ಷಿಪಣಿ ದಾಳಿ ನಡೆಸಿದ ನಂತರ ಭದ್ರತೆಯನ್ನು ಬಿಗಿಗೊಳಿಸಿದ ಕಾರಣದಿಂದ ಶುಕ್ರವಾರ ನಡೆಯಬೇಕಿದ್ದ ಉಕ್ರೇನ್‌ ಸಂಸತ್‌ನ ಕಲಾಪವನ್ನು ರದ್ದು ಮಾಡಲಾಯಿತು.

ಉಕ್ರೇನ್‌ ದೂರಗಾಮಿ ಕ್ಷಿಪಣಿ ದಾಳಿಗೆ ಪ್ರತಿಯಾಗಿ ರಷ್ಯಾ ಗುರುವಾರ ಉಕ್ರೇನ್‌ನ ಡಿನಿಪ್ರೊ ನಗರದ ಮೂಲ ಸೌಕರ್ಯಗಳನ್ನು ಗುರಿಯಾಗಿಸಿ ಮಧ್ಯಮ ವ್ಯಾಪ್ತಿಯ ಬ್ಯಾಲಿಸ್ಟಿಕ್‌ ಕ್ಷಿಪಣಿ ದಾಳಿ ನಡೆಸಿತ್ತು.

ರಷ್ಯಾ ಪ್ರಯೋಗಿಸಿದ್ದ ಕ್ಷಿಪಣಿಯು, ಆರ್‌ಎಸ್‌–26 ರುಬೇಝ್‌ ಇಂಟರ್‌ಕಾಂಟಿನೆಂಟಲ್ ಬ್ಯಾಲಿಸ್ಟಿಕ್‌ ಕ್ಷಿಪಣಿ ಆಧರಿಸಿದ ಪ್ರಾಯೋಗಿಕ ಮದ್ಯಮ ವ್ಯಾಪ್ತಿಯ ಕ್ಷಿಪಣಿಯಾಗಿದೆ ಎಂದು ಅಮೆರಿಕದ ರಕ್ಷಣಾ ಇಲಾಖೆ ‘ಪೆಂಟಗಾನ್‌’ ದೃಢಪಡಿಸಿದೆ.