ಬಿಷ್ಣೋಯಿ ಗ್ಯಾಂಗ್‌ ಸದಸ್ಯನಿಗೆ ನೆರವು ಆರೋಪ: ಪೊಲೀಸ್‌ ಕಾನ್ಸ್ಟೆಬಲ್ ಅಮಾನತು
ಅಮಾನತು
ಮೀರಠ್(ಉತ್ತರ ಪ್ರದೇಶ): ಲಾರೆನ್ಸ್‌ ಬಿಷ್ಣೋಯಿ ಗ್ಯಾಂಗ್‌ನ ಶಂಕಿತ ಸದಸ್ಯ ನೀಡಿದ್ದ ನಕಲಿ ವಿಳಾಸವನ್ನು ಪರಿಶೀಲನೆ ಮಾಡುವಲ್ಲಿ ವಿಫಲವಾಗಿದ್ದಕ್ಕಾಗಿ ಪೊಲೀಸ್‌ ಕಾನ್‌ಸ್ಟೆಬಲ್‌ವೊಬ್ಬರನ್ನು ಅಮಾನತು ಮಾಡಲಾಗಿದೆ ಎಂದು ಅಧಿಕಾರಿಗಳು ಶುಕ್ರವಾರ ತಿಳಿಸಿದ್ದಾರೆ.
ಮೀರಠ್‌ನ ಕಂಕರಖೇರಾ ಠಾಣೆಯ ಪೊಲೀಸ್‌ ಕಾನ್ಸ್ಟೆಬಲ್ ಸಂದೇಶಕುಮಾರ್‌ ಅಮಾನತುಗೊಂಡವರು.
‘ಹಲವು ಪ್ರಕರಣಗಳಿಗೆ ಸಂಬಂಧಿಸಿ, ಪ್ರೀತಂ ಸಿಂಗ್‌ ಬ್ರಾರ್‌ ಎಂಬಾತ ರಾಜಸ್ಥಾನ ಪೊಲೀಸರಿಗೆ ಬೇಕಾಗಿದ್ದಾನೆ. ಈತ ಬಿಷ್ಣೋಯಿ ಗ್ಯಾಂಗ್‌ ಸದಸ್ಯ ಎಂದು ನಂಬಲಾಗಿದೆ’ ಎಂದು ಎಸ್‌ಪಿ ಆಯುಷ್‌ ವಿಕ್ರಮ್ ಸಿಂಗ್‌ ತಿಳಿಸಿದ್ದಾರೆ.
‘ಈತನ ಪಾಸ್‌ಪೋರ್ಟ್‌ನ ಪರಿಶೀಲನೆಯನ್ನು ಕಂಕರಖೇರಾ ಠಾಣೆ ವ್ಯಾಪ್ತಿಯಲ್ಲಿ ನಡೆಸಲಾಗಿತ್ತು. ಆದರೆ, ಬ್ರಾರ್‌ ನೀಡಿದ್ದ ವಿಳಾಸವನ್ನು ಸರಿಯಾಗಿ ಪರಿಶೀಲನೆ ನಡೆಸಿರಲಿಲ್ಲ ಎಂಬುದು ತನಿಖೆಯಿಂದ ಗೊತ್ತಾಯಿತು. ಈ ಕಾರಣಕ್ಕೆ ಸಂದೇಶ್‌ ಕುಮಾರ್‌ನನ್ನು ಅಮಾನತುಗೊಳಿಸಲಾಗಿದೆ’ ಎಂದು ತಿಳಿಸಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.