ಉತ್ತರಪ್ರದೇಶ: 15 ವರ್ಷದ ಬಾಲಕಿ ಅಪಹರಣ ಮಾಡಿ 6 ತಿಂಗಳು ಅತ್ಯಾಚಾರ– ಆರೋಪಿ ಬಂಧನ

ಬಲ್ಲಿಯಾ (ಉತ್ತರಪ್ರದೇಶ): 15 ವರ್ಷದ ಬಾಲಕಿಯನ್ನು ಅಪಹರಿಸಿ, ಕಳೆದ 6 ತಿಂಗಳಿಂದ ಅತ್ಯಾಚಾರ ವೆಸಗಿದ್ದ ಆರೋಪಿಯನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಭಾನುವಾರ ಹೇಳಿದ್ಧಾರೆ.

ಬಾಲಕಿಯನ್ನು ಶನಿವಾರ ಗಡ್ವಾರ್ ಎಂಬ ಪ‍್ರದೇಶದಿಂದ ರಕ್ಷಿಸಲಾಗಿದ್ದು, 24 ವರ್ಷದ ಆರೋಪಿ ಅಶಿಶ್‌ ಕುಮಾರ್‌ನನ್ನು ಬಂಧಿಸಲಾಗಿದೆ. ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಬಾಲಕಿ ಕಾಣೆಯಾಗಿರುವ ಬಗ್ಗೆ ದೂರು ದಾಖಲಾಗಿತ್ತು ಎಂದು ತಖಾ ಪೊಲೀಸ್ ಹೊರಠಾಣೆ ಉಸ್ತುವಾರಿ ಫೂಲ್‌ಚಂದ್ರ ಯಾದವ್ ತಿಳಿಸಿದ್ದಾರೆ.

‘ಕಳೆದ ಆರು ತಿಂಗಳಲ್ಲಿ ತನ್ನ ಮೇಲೆ ನಿರಂತರವಾಗಿ ಅತ್ಯಾಚಾರ ನಡೆದಿದೆ’ ಎಂದು ಪೊಲೀಸರಿಗೆ ಬಾಲಕಿ ನೀಡಿದ ಹೇಳಿಕೆಯಲ್ಲಿ ತಿಳಿಸಿದ್ದಾಳೆ.

ಆರೋಪಿ ವಿರುದ್ಧ ಅತ್ಯಾಚಾರ ಪ್ರಕರಣ ಹಾಗೂ ಫೋಕ್ಸ್‌ ಸೆಕ್ಷನ್‌ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.