ಉತ್ತರ ಪ್ರದೇಶ: ತೋಪಿನಲ್ಲಿ ಮಾವು ಕಿತ್ತ ಮಕ್ಕಳ ಬಾಯಿ ಕಟ್ಟಿ ಥಳಿಸಿದ ಮಾಲಿ

ಮಹಾರಾಜಗಂಜ್‌: ತೋಪಿನಿಂದ ಮಾವಿನ ಹಣ್ಣು ಕಿತ್ತ ಮಕ್ಕಳನ್ನು, ಮಾಲಿಯೊಬ್ಬ ಅವರ ಬಾಯಿಗೆ ಮಾವಿನ ಹಣ್ಣನ್ನು ತುರುಕಿ ಥಳಿಸಿದ ಘಟನೆ ಉತ್ತರ ಪ್ರದೇಶದ ಮಹಾರಾಜ್‌ಗಂಜ್‌ನಲ್ಲಿ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮೂವರು ಮಕ್ಕಳ ಬಾಯಿಗೆ ಮಾವಿನ ಹಣ್ಣನ್ನು ಹಾಕಿ, ಥಳಿಸುವ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದ್ದು, ಆರೋಪಿ ಮಾಲಿ ಸುದರ್ಶನ್‌ನನ್ನು ಬಂಧಿಸಲಾಗಿದೆ ಎಂದು ಚೌಕ್‌ ಪೊಲೀಸ್‌ ಠಾಣಾ ಉಸ್ತುವಾರಿ ಪ್ರಶಾಂತ್ ಕುಮಾರ್ ಪಠಾಕ್‌ ತಿಳಿಸಿದ್ದಾರೆ.

ಮಕ್ಕಳು ನಾಲ್ಕರಿಂದ ಆರು ವಯಸ್ಸಿನ ನಡುವಿನವರಾಗಿದ್ದು, ತೋಪಿನಲ್ಲಿ ಮಾವಿನ ಹಣ್ಣು ಕೀಳುತ್ತಿರುವಾಗ ಸುದರ್ಶನ್‌ ಕಣ್ಣಿಗೆ ಬಿದ್ದಿದ್ದಾರೆ.