ವರವರ ರಾವ್‌ ಜಾಮೀನು ಅರ್ಜಿ ವಜಾ

ಪುಣೆ: ನಕ್ಸಲರೊಂದಿಗೆ ಸಂಪರ್ಕ ಹೊಂದಿದ್ದ ಆರೋಪದಡಿ ಬಂಧಿತರಾಗಿರುವ ಪಿ. ವರವರ ರಾವ್‌ ತಾತ್ಕಾಲಿಕ ಜಾಮೀನು ಕೋರಿ ಸಲ್ಲಿಸಿದ್ದ ಅರ್ಜಿಯನ್ನು ವಿಶೇಷ ನ್ಯಾಯಾಲಯ ಸೋಮವಾರ ವಜಾಗೊಳಿಸಿದೆ.

ಏ. 22ರಂದು ವರವರ ರಾವ್‌ ನಾದಿನಿ ನಿಧನರಾಗಿದ್ದು, ಮರಣೋತ್ತರದ ವಿಧಿ ವಿಧಾನ ಕಾರ್ಯಗಳಲ್ಲಿ ಭಾಗವಹಿಸಲು ಅವಕಾಶ ಕಲ್ಪಿಸುವಂತೆ ಅವರು ಕೋರಿದ್ದರು. ಜಾಮೀನು ಅರ್ಜಿಗೆ ಪ್ರಾಸಿ ಕ್ಯೂಷನ್‌ ಪರ ವಕೀಲರು ಆಕ್ಷೇಪಣೆ ವ್ಯಕ್ತಪಡಿಸಿದರು. ಹೈದರಾಬಾದ್ ಪೊಲೀಸ್‌ ವರಿಷ್ಠಾಧಿಕಾರಿಯ ಪತ್ರವನ್ನು ಉಲ್ಲೇಖಿಸಿದ ಪುಣೆ ಪೊಲೀಸರು,ಅಪರಾಧ ಗಂಭೀರ ಸ್ವರೂಪದ್ದಾಗಿದ್ದು, ಆರೋ ಪಿಗೆ ಜಾಮೀನು ನೀಡಿದರೆ ತಪ್ಪಿಸಿಕೊಳ್ಳುವ ಸಾಧ್ಯತೆಯಿದೆ ಎಂದು ನ್ಯಾಯಾಲಯದ ಗಮನಕ್ಕೆ ತಂದರು.