ಮಹಾರಾಷ್ಟ್ರದ ಸಿಎಂಗೆ ಪತ್ನಿ ಅಮೃತಾ ಫಡಣವೀಸ್ ಶುಭ ಕೋರಿದ್ದು ಹೀಗೆ...!
ಮುಂಬೈ: ಶನಿವಾರ (ನ.23) ಮುಂಜಾನೆ ಮಹಾರಾಷ್ಟ್ರದಲ್ಲಿ ನಡೆದ ಕ್ಷಿಪ್ರ ರಾಜಕೀಯ ಬೆಳವಣಿಗೆಯಲ್ಲಿ ಬಿಜೆಪಿ ನಾಯಕ ದೇವೇಂದ್ರ ಫಡಣವೀಸ್ ಅವರು ಎನ್‌ಸಿಪಿ ಬೆಂಬಲದೊಂದಿಗೆ ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದರು.
ಅವರ ಜತೆಗೇ ಎನ್‌ಸಿಪಿಯ ಅಜಿತ್‌ ಪವಾರ್‌ ಅವರು ಉಪ ಮುಖ್ಯಮಂತ್ರಿಯಾದರು. ಇದರ ಬೆನ್ನಲ್ಲೇ ದೇಶದ ಪ್ರಧಾನಿ, ಗೃಹ ಸಚಿವ ಅಮಿತ್‌ ಶಾ ಅವರು ನೂತನ ಮುಖ್ಯಮಂತ್ರಿ ದೇವೇಂದ್ರ ಫಡಣವೀಸ್ ಅವರಿಗೆ ಶುಭಕೋರಿದರು. ದೇಶದ ರಾಜಕೀಯ ನಾಯಕರು ನೂನತ ಸರ್ಕಾರಕ್ಕೆ ಆಶ್ಚರ್ಯದಿಂದಲೇ ಶುಭಾಶಯಗಳನ್ನು ತಿಳಿಸಬೇಕಾಯಿತು.
ಇದೆಲ್ಲದರ ನಡುವೆ ವಿಶೇಷ ಎನಿಸಿದ್ದು ಮುಖ್ಯಮಂತ್ರಿ ದೇವೇಂದ್ರ ಫಡಣವೀಸ್ ಅವರ ಪತ್ನಿ ಅಮೃತಾ ಫಡಣವೀಸ್ ಅವರ ಟ್ವೀಟ್‌. ಫಡಣವೀಸ್ ಸಿಎಂ ಆಗುತ್ತಲೇ ಟ್ವೀಟ್‌ ಮಾಡಿದ ಅಮೃತಾ, ‘ದೇವೇಂದ್ರ ಫಡಣವೀಸ್ ಮತ್ತು ಅಜಿತ್‌ ಪವಾರ್‌ ಅವರಿಗೆ ಧನ್ಯವಾದಗಳು... ನೀವಿದನ್ನು ಸಾಧಿಸಿದ್ದೀರಿ,’ ಎಂದು ಅವರು ಹೇಳಿದ್ದಾರೆ.
ಟ್ವಿಟರ್‌ನಲ್ಲಿ ಸದಾ ಕ್ರಿಯಾಶೀಲರಾಗಿರುವ ಅಮೃತಾ ಒಂದೊಮ್ಮೆ ಮೋದಿ ಅವರನ್ನು ‘ರಾಷ್ಟ್ರಪಿತ’ ಎಂದು ಟ್ವಿಟರ್‌ನಲ್ಲಿ ಅಭಿಪ್ರಾಯ ಹಂಚಿಕೊಂಡಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.