ಸಂಸ್ಕೃತ ಯುವ ಮಹೋತ್ಸವ

 ಶೃಂಗೇರಿ (ಚಿಕ್ಕಮಗಳೂರು ಜಿಲ್ಲೆ): ಇಲ್ಲಿಗೆ ಸಮೀಪದ ಮೆಣಸೆಯ ರಾಜೀವ್‌ಗಾಂಧಿ ಸಂಸ್ಕೃತ ವಿದ್ಯಾಪೀಠದಲ್ಲಿ ನಾಲ್ಕು ದಿನಗಳ ರಾಷ್ಟ್ರಮಟ್ಟದ 7ನೇ ಸಂಸ್ಕೃತ ಯುವ ಮಹೋತ್ಸವಕ್ಕೆ ಶನಿವಾರ ಅದ್ಧೂರಿ ಚಾಲನೆ ದೊರೆಯಿತು.

ವಿವಿಧ ರಾಜ್ಯಗಳ ಸಂಸ್ಕೃತಿ ಹಾಗೂ ಪಾರಂಪರಿಕ ವೇಷ ಭೂಷಣಗಳನ್ನು ಒಳಗೊಂಡ ಮನಮೋಹಕ ಶೋಭಾ­ಯಾತ್ರೆಯೊಂದಿಗೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು.

ಕರ್ನಾಟಕ ಸಂಸ್ಕೃತ ವಿದ್ಯಾಲಯದ ಕುಲಪತಿ ಶ್ರೀನಿವಾಸ ವರ್ಕೇಡಿ ಕಾರ್ಯಕ್ರಮ ಉದ್ಘಾಟಿಸಿ ಮಾತ­ನಾಡಿ, ಯುವಕರಿಗೆ ಅಸಾಧ್ಯ­ವಾದದ್ದು ಯಾವುದೂ ಇಲ್ಲ. ನಮ್ಮ ದೇಶವು ಯುವ ಸಂಪನ್ಮೂಲದಿಂದ ಕೂಡಿದೆ. ಅದರ ಸಮರ್ಪಕ ಬಳಕೆ ಆಗಬೇಕಿದೆ ಎಂದರು.
ವಿಶ್ವ ಸಂಸ್ಕೃತ ಪ್ರತಿಷ್ಠಾನದ ಅಧ್ಯಕ್ಷ ಸುಬ್ರಮ್ಮಣ್ಯ ಜೋಯಿಸ್ ಮಾತ­ನಾಡಿದರು. ಪ್ರಾಚಾರ್ಯ ಎನ್.ಆರ್.ಕಣ್ಣನ್, ಯುವ ಮಹೋತ್ಸವದ ಮುಖ್ಯ ಸಂಚಾಲಕ ಎ.ಪಿ.ಸಚ್ಚಿದಾನಂದ  ಇದ್ದರು.