ದೇವೇಗೌಡರ ಸಾಧನೆ ಪರಿಚಯಕ್ಕೆ ಜೆಡಿಎಸ್‌ ಅಭಿಯಾನ

ಬೆಂಗಳೂರು: ಜೆಡಿಎಸ್‌ ರಾಷ್ಟ್ರೀಯ ಅಧ್ಯಕ್ಷ ಎಚ್‌.ಡಿ. ದೇವೇಗೌಡರು ಪ್ರಧಾನಿಯಾಗಿ ಅಧಿಕಾರ ಸ್ವೀಕರಿಸಿ ಮಂಗಳವಾರಕ್ಕೆ 25 ವರ್ಷಗಳಾಗುತ್ತಿರುವ ಪ್ರಯುಕ್ತ ಪಕ್ಷವು ಗೌಡರ ಸಾಧನೆಗಳನ್ನು ಪರಿಚಯಿಸಲು ಡಿಜಿಟಲ್‌ ಮಾಧ್ಯಮದ ಮೂಲಕ 25 ದಿನಗಳ ಅಭಿಯಾನ ಹಮ್ಮಿಕೊಂಡಿದೆ.

ಜೂನ್‌ 1ರಿಂದ 25ರವರೆಗೆ ದೇವೇಗೌಡರ ರಾಜಕೀಯ ಜೀವನ, ಸಾಧನೆ, ಕೊಡುಗೆಗಳ ಕುರಿತು 25 ಹಿರಿಯ ರಾಜಕಾರಣಿಗಳು ಮತ್ತು ಪತ್ರಕರ್ತರು ವಿಡಿಯೊ ತುಣುಕಗಳ ಮೂಲಕ ಅಭಿಪ್ರಾಯಗಳನ್ನು ಹಂಚಿಕೊಳ್ಳಲಿದ್ದಾರೆ. ಪ್ರತಿ ದಿನ ಸಂಜೆ 5 ಗಂಟೆಗೆ ಜೆಡಿಎಸ್‌ನ ಅಧಿಕೃತ ಫೇಸ್‌ಬುಕ್‌ ಪುಟ @JDSpartyofficial ಮತ್ತು ಟ್ವಿಟರ್‌ ಖಾತೆ @JanataDal_Sಗಳಲ್ಲಿ ಈ ವಿಡಿಯೊ ತುಣುಕುಗಳು ಪ್ರಸಾರವಾಗಲಿವೆ ಎಂದು ಪಕ್ಷದ ಪ್ರಕಟಣೆ ತಿಳಿಸಿದೆ.