₹2.44 ಲಕ್ಷ ಕೋಟಿ ಬಜೆಟ್‌ಗೆ ಒಪ್ಪಿಗೆ

ಬೆಂಗಳೂರು: ಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪ ಮಂಡಿಸಿದ 2020–21ನೇ ಸಾಲಿನ ಪೂರ್ಣ ಬಜೆಟ್‌ಗೆ ಪ್ರತಿ ಪಕ್ಷಗಳ ಅನುಪಸ್ಥಿತಿ ನಡುವೆ ವಿಧಾನಮಂಡಲದಲ್ಲಿ ಒಪ್ಪಿಗೆ ಪಡೆಯಲಾಗಿದೆ.

ಮುಂದಿನ ವರ್ಷದ ಏಪ್ರಿಲ್‌ವರೆಗೆ ಖರ್ಚು– ವೆಚ್ಚಗಳಿಗಾಗಿ ₹2.44 ಲಕ್ಷ ಕೋಟಿ ನೀಡುವ ಧನ ವಿನಿಯೋಗ ಮಸೂದೆಗೆ ಅಂಗೀಕಾರ ಪಡೆಯಲಾಯಿತು. ಬಜೆಟ್‌ ಮಂಡಿಸಿದಾಗ ಬಜೆಟ್‌ ಗಾತ್ರ ₹2.37 ಲಕ್ಷ ಕೋಟಿ ಇತ್ತು. ಸುಮಾರು ₹ 7 ಲಕ್ಷದಷ್ಟು ಹೆಚ್ಚಳ ಮಾಡ
ಲಾಗಿದೆ. ನೀರಾವರಿ ಮತ್ತು ಮಠ– ಮಂದಿರಗಳಿಗೆ ಅನುದಾನ ಏರಿಕೆ ಸಾಧ್ಯತೆ ಇದೆ ಎನ್ನಲಾಗಿದೆ.

ಏಪ್ರಿಲ್‌ ನಿಂದ ಜುಲೈ ವರೆಗಿನ ವೆಚ್ಚಕ್ಕಾಗಿ ಲೇಖಾನುದಾನಕ್ಕೆ ಒಪ್ಪಿಗೆ ಪಡೆಯಲಾಗುತ್ತಿತ್ತು. ಇದೇ ಮೊದಲ ಸಲಪೂರ್ಣ ಬಜೆಟ್‌ಗೆ ಅನುಮೋದನೆ ಪಡೆಯಲಾಗಿದೆ.