ಇಂದೂ ‘ಮಹಾ ಸಂಯೋಗ’ ವೀಕ್ಷಣೆ

ಬೆಂಗಳೂರು: ಗುರು ಮತ್ತು ಶನಿ ಗ್ರಹಗಳು ಅತ್ಯಂತ ಸಮೀಪಕ್ಕೆ ಬಂದಿರುವ ಖಗೋಳ ವಿದ್ಯಮಾನವನ್ನು ವಿಶ್ವದಾದ್ಯಂತ ಆಸಕ್ತರು ಸೋಮವಾರ ಸಂಜೆ ವೀಕ್ಷಿಸಿದ್ದಾರೆ. 400 ವರ್ಷಗಳ ನಂತರ ಘಟಿಸಿರುವ ಈ ವಿದ್ಯಮಾನವನ್ನು ಮಂಗಳವಾರವೂ ನೋಡಬಹುದಾಗಿದೆ.

ಸೋಮವಾರ ಸಂಜೆ ಈ ಎರಡೂ ಗ್ರಹಗಳು ಅತ್ಯಂತ ಸಮೀಪಕ್ಕೆ ಬಂದಿದ್ದವು. ಮಂಗಳವಾರವೂ ಇದು ಗೋಚರಿಸಲಿದೆ. ಸಂಜೆ 6.30ರಿಂದ 7.30ರ ಮಧ್ಯೆ ಇದನ್ನು ವೀಕ್ಷಿಸಬಹುದು. ಆದರೆ ಎರಡೂ ಗ್ರಹಗಳು ಪರಸ್ಪರ ಸ್ವಲ್ಪ ದೂರ ಸರಿದಿರಲಿವೆ. ಈ ಎರಡೂ ಗ್ರಹಗಳ ಹೊಳಪು ಪ್ರಬಲವಾಗಿರುವ ಕಾರಣ ಬರಿಗಣ್ಣಿನಿಂದಲೇ ಅವನ್ನು ವೀಕ್ಷಿಸಬಹುದು ಎಂದು ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ ಹೇಳಿದೆ.

1,623ರಲ್ಲಿ ಇಂತಹ ವಿದ್ಯಮಾನ ಘಟಿಸಿತ್ತು. ಮುಂದಿನ 60 ವರ್ಷಗಳ ನಂತರ 2080ರಲ್ಲಿ ಮತ್ತೆ ಸಂಭವಿಸಲಿದೆ ಎಂದು ನಾಸಾ ಹೇಳಿದೆ.