ಉಲ್ಫಾ ಉಗ್ರನಾದ ಬೆಂಗಳೂರಿನ ಟೆಕಿ

ಗುವಾಹಟಿ: ಬೆಂಗಳೂರಿನ ಮಾಹಿತಿ ತಂತ್ರಜ್ಞಾನ (ಐಟಿ) ಕಂಪನಿಯಲ್ಲಿ ಹಿರಿಯ ಸಾಫ್ಟ್‌ವೇರ್‌ ಎಂಜಿನಿಯರ್‌ ಆಗಿದ್ದ ಅಸ್ಸಾಂ ಮೂಲದ ಯುವಕ ಕೆಲಸ ತೊರೆದು ಉಲ್ಫಾ (ಸ್ವತಂತ್ರ) ಉಗ್ರಗಾಮಿ ಸಂಘಟನೆ ಸೇರಿದ್ದಾನೆ.

ಅಸ್ಸಾಂನ ಅಭಿಜಿತ್‌ ಗೊಗೊಯಿ ಶುಕ್ರವಾರ ಫೇಸ್‌ಬುಕ್‌ನಲ್ಲಿ ವಿಡಿಯೊ ಬಿಡುಗಡೆ ಮಾಡಿ, ಉಲ್ಫಾ ಸಂಘಟನೆ ಸೇರಿರುವುದಾಗಿ ಹೇಳಿದ್ದಾನೆ. ಆದರೆ, ಬೆಂಗಳೂರಿನ ಯಾವ ಕಂಪನಿಯಲ್ಲಿ ಕೆಲಸ ಮಾಡಿದ್ದ ಎಂಬ ವಿಷಯ ಬಹಿರಂಗಪಡಿಸಿಲ್ಲ.ಬೆಂಗಳೂರಿನ ಬಿಸಿನೆಸ್‌ ಸ್ಕೂಲ್‌ ಆ್ಯಂಡ್‌ ಮ್ಯಾನೇಜ್‌ಮೆಂಟ್‌ ಸಂಸ್ಥೆಯಿಂದ ಎಂಬಿಎ ಪದವಿ ಪಡೆದಿರುವುದಾಗಿ ಹೇಳಿದ್ದಾನೆ.