ಕಾಂಗ್ರೆಸ್‌ನಿಂದ ‘ಕ್ಲೀನ್‌ ಸ್ವೀಪ್’ ಸಾಧನೆ: ಬಿಜೆಪಿ–ಜೆಡಿಎಸ್‌ ಮೈತ್ರಿಗೆ ಮುಖಭಂಗ

ತೀವ್ರ ಕುತೂಹಲ ಕೆರಳಿಸಿದ್ದ ಉಪಚುನಾವಣೆಯ ಫಲಿತಾಂಶ ಶನಿವಾರ ಹೊರಬಿದ್ದಿದೆ. ತನ್ನ ಬಳಿ ಇದ್ದ ಸಂಡೂರು ಕ್ಷೇತ್ರವನ್ನು ಉಳಿಸಿಕೊಳ್ಳುವುದರ ಜೊತೆಗೆ, ಬಿಜೆಪಿಯ ಶಿಗ್ಗಾವಿ, ಜೆಡಿಎಸ್‌ನ ಚನ್ನಪಟ್ಟಣ ಕ್ಷೇತ್ರಗಳನ್ನೂ ತನ್ನದಾಗಿಸಿಕೊಂಡಿದೆ ಕಾಂಗ್ರೆಸ್‌. ಸರ್ಕಾರದ ಮೇಲಿನ ಪರಿಣಾಮಗಳಿಗಿಂತ ಪ್ರತಿಷ್ಠೆಯ ವಿಷಯವೇ ಆಗಿದ್ದ ಈ ಚುನಾವಣೆಯಲ್ಲಿ ಮೂರಕ್ಕೆ ಮೂರೂ ಕ್ಷೇತ್ರಗಳನ್ನೂ ಸಿದ್ದರಾಮಯ್ಯ–ಡಿ.ಕೆ. ಶಿವಕುಮಾರ್‌ ನೇತೃತ್ವದ ಪಕ್ಷ ಗೆದ್ದುಕೊಂಡಿದೆ.