ವಿಜಯಪುರ: ಭೀಮಾ ನದಿಗೆ ಹಾರಿ ತಂದೆ ಮಗ ಆತ್ಮಹತ್ಯೆ

ವಿಜಯಪುರ: ಜಿಲ್ಲೆಯ ಗಡಿ ಭಾಗವಾದ ಧೂಳಖೇಡ ಸಮೀಪ ಭೀಮಾ ನದಿ ಸೇತುವೆ ಮೇಲಿನಿಂದ ಹಾರಿ ತಂದೆ, ಮಗ ಶನಿವಾರ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಸೊಲ್ಲಾಪುರ ನಗರದ ಭವಾನಿ ಪೇಠ್‌ ನಿವಾಸಿ ನಾಗರಾಜ ಸಿದ್ರಾಮಪ್ಪ ಕನಾಳೆ (47) ಹಾಗೂ ಪುತ್ರ ಸಮರ್ಥ ಕನಾಳೆ(5) ಎಂಬುವವರು ಸಾವನ್ನಪ್ಪಿದ್ದಾರೆ ಎಂದು ಝಳಕಿ ಠಾಣೆ ಪೊಲೀಸರು ತಿಳಿಸಿದ್ದಾರೆ.

ತಂದೆಯ ಸಾವಿನಿಂದ ಮಾನಸಿಕವಾಗಿ ನೊಂದಿದ್ದ ನಾಗರಾಜ ತನ್ನ ಮಗನೊಂದಿಗೆ ಶುಕ್ರವಾರ ಮನೆಬಿಟ್ಟು ಬಂದಿದ್ದ. ಈ ಕುರಿತು ಸೊಲ್ಲಾಪುರ ಸೆಂಟ್ರಲ್ ಪೊಲೀಸ್ ಠಾಣೆಯಲ್ಲಿ ನಾಪತ್ತೆ ಪ್ರಕರಣ ದಾಖಲಾಗಿತ್ತು.