ಅ.13ರ ಬದಲು 20ಕ್ಕೆ ಸರ್ಕಾರಿ ರಜೆ

ಬೆಂಗಳೂರು: ಈ ತಿಂಗಳು ಸರ್ಕಾರಿ ನೌಕರರ ಎರಡನೇ ಶನಿವಾರದ ರಜೆ ರದ್ದುಪಡಿಸಿ ಮೂರನೇ ಶನಿವಾರ ರಜೆ ನೀಡಲು ರಾಜ್ಯ ಸರ್ಕಾರ ನಿರ್ಧರಿಸಿದೆ.

ಇದೇ 18 ಹಾಗೂ 19ರಂದು ಆಯುಧಪೂಜೆ ಮತ್ತು ವಿಜಯದಶಮಿ ಪ್ರಯುಕ್ತ ಸಾರ್ವತ್ರಿಕ ರಜೆ ಇದೆ. 21ರಂದು ಭಾನುವಾರ. ಸರ್ಕಾರಿ ನೌಕರರು 20ರಂದು ಸಾಂದರ್ಭಿಕ ರಜೆ ಬಳಸಿಕೊಳ್ಳುವ ಸಾಧ್ಯತೆ ಇದೆ.

ಇದರಿಂದಾಗಿ ಸಾರ್ವಜನಿಕರ ಕೆಲಸ ಕಾರ್ಯಗಳಿಗೆ ತೊಂದರೆಯಾಗುತ್ತದೆ. ಹೀಗಾಗಿ, ಇದೇ 13ರ ರಜೆ ರದ್ದುಪಡಿಸಿ 20ರಂದು ನೀಡಲು ತೀರ್ಮಾನಿಸಲಾಗಿದೆ.