‌ಜೇವರ್ಗಿ ಶಾಸಕ ಅಜಯ್ ಸಿಂಗ್‌ಗೆ ಕೋವಿಡ್ ಸೋಂಕು

ಕಲಬುರ್ಗಿ: ಜಿಲ್ಲೆಯ ‌ಜೇವರ್ಗಿ ಕ್ಷೇತ್ರದ ಶಾಸಕ ಡಾ. ಅಜಯ್ ಸಿಂಗ್ ಅವರಿಗೆ ಕೋವಿಡ್ ಸೋಂಕು ಕಾಣಿಸಿಕೊಂಡಿದೆ.

ಈ ಕುರಿತು ಟ್ವೀಟ್ ಮಾಡಿರುವ ಸಿಂಗ್ ಅವರು, ಕೋವಿಡ್ ತಪಾಸಣೆ ‌ಮಾಡಿಸಿಕೊಂಡ ಬಳಿಕ ಸೋಂಕು ಇರುವುದು ದೃಢಪಟ್ಟಿದೆ. ನನ್ನೊಂದಿಗೆ ‌ಪ್ರಥಮ ಸಂಪರ್ಕದಲ್ಲಿ ಬಂದವರು ಸೂಕ್ತ ಮುನ್ನೆಚ್ಚರಿಕೆ ‌ಕಾಯ್ದುಕೊಳ್ಳಿ ಎಂದು ಮನವಿ ಮಾಡಿದ್ದಾರೆ.

ಸಿಂಗ್ ಅವರು ‌ಮಾಜಿ ಮುಖ್ಯಮಂತ್ರಿ ದಿವಂಗತ ‌ಎನ್. ಧರ್ಮಸಿಂಗ್ ಅವರ ಪುತ್ರ.

ಗುರುವಾರವಷ್ಟೇ ಜಿಲ್ಲೆಯ ‌ಸೇಡಂ ಶಾಸಕ ರಾಜಕುಮಾರ ‌ಪಾಟೀಲ ತೇಲ್ಕೂರ, ಅವರ ಪತ್ನಿ ಹಾಗೂ ‌ಮಗನಿಗೆ ಕೋವಿಡ್ ಇರುವುದು ಖಚಿತಪಟ್ಟಿತ್ತು.