ಗ್ಯಾರಂಟಿ ಬಗ್ಗೆ PM–CM ಜಟಾಪಟಿ: ದಕ್ಷ ಆಡಳಿತದಿಂದ ಕರ್ನಾಟಕ ಸಮೃದ್ಧ ಎಂದ ಗೆಹಲೋತ್

ಬೆಂಗಳೂರು: ರಾಜ್ಯ ಸರ್ಕಾರದ ‘ಗ್ಯಾರಂಟಿ’ ವಿಷಯ ರಾಜಕೀಯ ವಲಯದ ಚರ್ಚೆಯಲ್ಲಿ ಮುಂಚೂಣಿಯಲ್ಲಿ ಇರುವ ಹೊತ್ತಿನೊಳಗೆ, ಈ ವಿಷಯದಲ್ಲಿ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಮತ್ತು ಮುಖ್ಯಮಂತ್ರಿ ಸಿದ್ದರಾಮಯ್ಯ ಮಧ್ಯೆ ಜಟಾಪಟಿ ಜೋರಾಗಿದೆ.

ಮೋದಿಯವರು ತಮ್ಮ ‘ಎಕ್ಸ್‌’ ಖಾತೆಯಲ್ಲಿ ‘‍ಗ್ಯಾರಂಟಿ’ಗಳಿಗೆ ಕುಟುಕಿದ ಬೆನ್ನಲ್ಲೇ, ಸಿದ್ದರಾಮಯ್ಯನವರು ತಮ್ಮ ‘ಎಕ್ಸ್‌’ನಲ್ಲಿ ಎದಿರೇಟು ಕೊಟ್ಟಿದ್ದಾರೆ.

ಈ ಬೆಳವಣಿಗೆಗಳ ಮಧ್ಯೆಯೇ, ಸರ್ಕಾರದ ಜತೆಗಿನ ಸಂಘರ್ಷದ ಹಾದಿ ತೊರೆದು, ತಮ್ಮ ವರಸೆ ಬದಲಿಸಿದಂತಿರುವ ರಾಜ್ಯಪಾಲ ಥಾವರಚಂದ್ ಗೆಹಲೋತ್, ‘ದಕ್ಷ ಆಡಳಿತದಿಂದಾಗಿ ಕರ್ನಾಟವು ಸಮೃದ್ಧವಾಗಿದೆ’ ಎಂದು ಮೆಚ್ಚುಗೆ ಸೂಚಿಸಿದ್ದಾರೆ.