ಹೋಟೆಲ್‌ ಮುಂದೆ ಡಿಕೆಶಿ; ಹಿಂದಿನ ಗೇಟ್‌ನಿಂದ ಹೊರನಡೆದ ಅತೃಪ್ತರು

ಬೆಂಗಳೂರು: ಡಿ.ಕೆ. ಶಿವಕುಮಾರ್‌ ಅವರು ಮುಂಬೈನ ರಿನೈಸೆನ್ಸ್‌ ಹೋಟೆಲ್‌ ಎದರು ಪಟ್ಟು ಬಿಡದೇ ಕಾಯುತ್ತಿರುವಾಗಲೇ, ಅಲ್ಲಿದ್ದ ಅತೃಪ್ತ ಶಾಸಕರು ಹಿಂಬದಿ ಗೇಟ್‌ನಿಂದ ಬೇಡೆಗೆ ಸ್ಥಳಾಂತರಗೊಂಡಿದ್ದಾರೆ.

ಬೆಳಿಗ್ಗೆ 8 ಗಂಟೆಯಿಂದ ಹೋಟೆಲ್‌ನ ಗೇಟ್‌ ಬಳಿಯೇ ಶಿವಕುಮಾರ್‌ ಅವರು ಕಾಯುತ್ತಿದ್ದಾರೆ. ಈ ನಡುವೆ ಶಾಸಕರು ಬೇರೆಡೆ ತೆರಳಿದ್ದಾರೆ ಎಂದು ಹೇಳಲಾಗುತ್ತಿದೆ.

ಶಿವಕುಮಾರ್ ಅವರು ಪ್ರಭಾವ ಬಳಸಿ, ಹೋಟೆಲ್‌ಗೆ ಪ್ರವೇಶಿಸಬಹುದು ಎಂದು ಅತೃಪ್ತ ಶಾಸಕರು ಬೇರೆಡೆಗೆ ಹೋಗುವ ಆಲೋಚನೆ ಮಾಡಿದ್ದಾರೆ.

‘ಬಿಜೆಪಿ ಅವರು ನಮ್ಮ ಶಾಸಕರನ್ನು ಹಿಡಿದಿಟ್ಟುಕೊಂಡಿದ್ದಾರೆ. ಅದಕ್ಕೆ ನಾವು ಇಲ್ಲಿಗೆ ಬಂದಿದ್ದೇವೆ’ಎಂದು ಶಿವಕುಮಾರ್‌ ಆರೋಪಿಸಿದರು.