ತೆರಿಗೆ ಹೆಚ್ಚಿಸಿದ ಕರ್ನಾಟಕ ಸರ್ಕಾರ: ರಾಜ್ಯದಲ್ಲಿ ಪೆಟ್ರೋಲ್, ಡೀಸೆಲ್ ದರ ಏರಿಕೆ
ಪೆಟ್ರೋಲ್, ಡೀಸೆಲ್ ಬೆಲೆ ಏರಿಕೆ
ಬೆಂಗಳೂರು: ರಾಜ್ಯದಲ್ಲಿ ಪೆಟ್ರೋಲ್ ₹ 3.02 ಹಾಗೂ ಡೀಸೆಲ್ ಬೆಲೆಯಲ್ಲಿ ₹3 ಹೆಚ್ಚಳವಾಗಿದೆ.
ಪೆಟ್ರೋಲ್ ಹಾಗೂ ಡೀಸೆಲ್ ಮೇಲಿನ ತೆರಿಗೆಯನ್ನು ತಕ್ಷಣದಿಂದಲೇ ಜಾರಿಗೆ ಬರುವಂತೆ ಹೆಚ್ಚಳ ಮಾಡಿ ಶನಿವಾರ ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ.
ಪೆಟ್ರೋಲ್ ಚಿಲ್ಲರೆ ಮಾರಾಟದ ಬೆಲೆ ಇಂದಿನಿಂದ ₹102.85 ಹಾಗೂ ಡೀಸೆಲ್ ಬೆಲೆ ₹88.93 ಆಗುತ್ತದೆ. ಈ ದರವು, ಸಾಗಣೆ ವೆಚ್ಚದ ಆಧಾರದಲ್ಲಿ ರಾಜ್ಯದ ಬೇರೆಬೇರೆ ಪ್ರದೇಶಗಳಲ್ಲಿ ಸ್ವಲ್ಪ ಪ್ರಮಾಣದ ವ್ಯತ್ಯಾಸವಾಗಲಿದೆ.
ಪೆಟ್ರೋಲ್, ಡೀಸೆಲ್ ದರ:
ಪೆಟ್ರೋಲ್
ಹಳೆಯ ದರ: 99.83
ಪರಿಷ್ಕೃತ ದರ: 102.85
ಡೀಸೆಲ್:
ಹಳೆಯ ದರ: 85.93
ಪರಿಷ್ಕೃತ ದರ: 88.93
ಪೆಟ್ರೋಲ್ (ಪವರ್):
ಹಳೆಯ ದರ: 106.66
ಪರಿಷ್ಕೃತ ದರ: 109.89
ಲೋಕಸಭೆ ಚುನಾವಣೆ ಘೋಷಣೆಯಾಗುವ ಮುನ್ನ ಮಾರ್ಚ್ ತಿಂಗಳಲ್ಲಿ ಕೇಂದ್ರ ಸರ್ಕಾರವು ದರ ಇಳಿಸಿದ ಬಳಿಕ ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಯಲ್ಲಿ ₹2ರಷ್ಟು ಇಳಿಕೆಯಾಗಿತ್ತು.
ಪರಿಣಾಮಗಳೇನು?
ಸ್ವಂತ ವಾಹನ ಹೊಂದಿದವರಿಗೆ ಆರ್ಥಿಕ ಹೊರೆ
ಮಹಾನಗರಗಳಲ್ಲಿ ಕ್ಯಾಬ್‌ ಪ್ರಯಾಣ ದುಬಾರಿ
ಸರಕು ಸಾಗಣೆ ವೆಚ್ಚ ಅಧಿಕ
ಕೃಷಿಗೆ ಪೂರಕವಾದ ಟ್ರ್ಯಾಕ್ಟರ್, ಟಿಲ್ಲರ್, ಪಂಪ್‌ಸೆಟ್‌ಗಳ ಬಳಕೆ ವೆಚ್ಚ ಏರಿಕೆ
ಸಾಗಣೆ ವೆಚ್ಚ ಹೆಚ್ಚಳದಿಂದ ದಿನಸಿ, ತರಕಾರಿ ಸೇರಿದಂತೆ ನಿತ್ಯ ಬಳಕೆಯ ವಸ್ತುಗಳ ಬೆಲೆ ಹೆಚ್ಚಳ
ಸಾರ್ವಜನಿಕ ಬಳಕೆಯ ವಾಹನಗಳಾದ ಬಸ್, ಟೆಂಪೊ, ಜೀಪುಗಳ ಪ್ರಯಾಣ ದರ ಹೆಚ್ಚಳ
ಶಾಲಾ–ಕಾಲೇಜುಗಳ ವಾಹನಗಳಿಗೂ ತಟ್ಟುವ ಬಿಸಿ
ಡೀಸೆಲ್ ಆಧಾರಿತ ಮೀನುಗಾರಿಕೆ ದೋಣಿ, ಬೋಟ್‌ಗಳಿಗೆ ಹೊರೆ
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.