ನಾಗತಿಹಳ್ಳಿಗೆ ಕಥಾ, ಸದಾಶಿವ ಸೊರಟೂರುಗೆ ಕವನ ಪ್ರಶಸ್ತಿ

ಬೆಂಗಳೂರು: 2024ನೇ ಸಾಲಿನ ಪ್ರತಿಷ್ಠಿತ ‘ಪ್ರಜಾವಾಣಿ ದೀಪಾವಳಿ ಕಥೆ ಮತ್ತು ಕವನ ಸ್ಪರ್ಧೆ’ಯ ಫಲಿತಾಂಶ ಪ್ರಕಟವಾಗಿದೆ. ನಾಗತಿಹಳ್ಳಿ ಚಂದ್ರಶೇಖರ ಅವರ ಕಥೆ ‘ಒಳಚರಂಡಿ’ ಹಾಗೂ ಸದಾಶಿವ ಸೊರಟೂರು ಅವರ ಕವನ ‘ಮಲ್ಲಿಗೆಕೊಂಡ ಬುದ್ಧ...’ ಆಯಾ ಸ್ಪರ್ಧೆಯಲ್ಲಿ ಮೊದಲ ಬಹುಮಾನವನ್ನು ಪಡೆದುಕೊಂಡಿವೆ.

ಕಥಾಸ್ಪರ್ಧೆಯಲ್ಲಿ ಜಯಪ್ರಕಾಶ ಮಾವಿನಕುಳಿ ಅವರ ‘ಕೋಡಗನ ಕೋಳಿ ನುಂಗಿತ್ತಾ...’ ಹಾಗೂ ಮಂಜುನಾಥ ವಿ.ಎಂ. ಅವರ ‘ಬೆತ್ತಲ ಮೀನು’ ಕಥೆಗಳು ಕ್ರಮವಾಗಿ ಎರಡು ಮತ್ತು ಮೂರನೇ ಬಹುಮಾನಕ್ಕೆ ಭಾಜನವಾಗಿವೆ. ಸುಧಾ ಆಡುಕಳ ಅವರ ‘ಸಲ್ಲೇಖನ’, ಟಿ.ಗೋವಿಂದರಾಜು ಅವರ ‘ಅಗ್ನಿ ಬಿದ್ದದ್ದು...!’,ಪ್ರಕಾಶ್‌ ಪುಟ್ಟಪ್ಪ ಅವರ ‘ಗಾಂಧಿ ಜೋಡಿನ ಮಳಿಗೆ’, ಪ್ರಸಾದ ಶೆಣೈ ಆರ್‌.ಕೆ. ಅವರ ‘ಲಾಂಬು’ ಹಾಗೂ ಪ್ರೊ.ಎಂ.ಡಿ.ಚಿತ್ತರಗಿ ಅವರ ‘ಉಫ್‌’ ಕಥೆಗಳು ತೀರ್ಪುಗಾರರ ಮೆಚ್ಚುಗೆ ಪಡೆದಿವೆ.

ಕವನ ಸ್ಪರ್ಧೆಯಲ್ಲಿ ಚಂದ್ರಿಕಾ ಹೆಗಡೆ ಅವರ ‘ಉಳುಮೆಯ ಸದ್ದು.’ ಮತ್ತು ಮಂಜುನಾಥ ನಾಯ್ಕ್‌ ಅವರ ‘ಅಮೂರ್ತವಾಗುವಲ್ಲಿ’ ಕವನಗಳು ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಪಡೆದಿವೆ. ಡಾ.ಲಕ್ಷ್ಮಣ ವಿ.ಎ. ಅವರ ‘ಪರಿಮಳದ ಬಾಕಿ ಮೊತ್ತ’, ಅಕ್ಷತಾ ಕೃಷ್ಣಮೂರ್ತಿ ಅವರ ‘ನದಿ ಹಾದಿ ತಪ್ಪಿದರೆ’, ಶಂಕರರಾವ್‌ ಉಭಾಳೆ ಅವರ ‘ರಂಜಕವಾದ ನಕಾಶೆ’, ಲಿಂಗರಾಜ ಸೊಟ್ಟಪ್ಪನವರ ಅವರ ‘ಮನುಷ್ಯರು’ ಹಾಗೂ ಸುಧಾ ಆಡುಕಳ ಅವರ ‘ಕಿನ್ನರಿ’ ಕವಿತೆಗಳು ತೀರ್ಪುಗಾರರ ಮೆಚ್ಚುಗೆ ಗಳಿಸಿವೆ.

ಕಥೆಗಾರ ಅಮರೇಶ ನುಗಡೋಣಿ ಹಾಗೂ ವಿಮರ್ಶಕಿ ಆರ್‌. ತಾರಿಣಿ ಶುಭದಾಯಿನಿ ಅವರು ಕಥಾಸ್ಪರ್ಧೆಯ ತೀರ್ಪುಗಾರರಾಗಿದ್ದರು. ಕವಯತ್ರಿ ಚ.ಸರ್ವಮಂಗಳಾ ಹಾಗೂ ಕವಿ ಸತ್ಯಾನಂದ ಪಾತ್ರೋಟ ಅವರು ಕವನ ಸ್ಪರ್ಧೆಯ ತೀರ್ಪುಗಾರರಾಗಿದ್ದರು.

ಬಹುಮಾನದ ವಿವರ

ಕಥಾ ಸ್ಪರ್ಧೆಯಲ್ಲಿ ಮೊದಲ ಮೂರು ಸ್ಥಾನ ಪಡೆದ ಕಥೆಗಳಿಗೆ ಕ್ರಮವಾಗಿ ₹20 ಸಾವಿರ, ₹15 ಸಾವಿರ ಹಾಗೂ ₹10 ಸಾವಿರ ನಗದು ಮತ್ತು ಪ್ರಶಸ್ತಿ ಪತ್ರ ಲಭಿಸಲಿದೆ. ಕವನ ಸ್ಪರ್ಧೆ ಮೊದಲ ಮೂರು ಸ್ಥಾನ ಪಡೆದ ಕವನಗಳಿಗೆ ಕ್ರಮವಾಗಿ ₹5,000, ₹3,000 ಹಾಗೂ ₹2,500 ನಗದು ಹಾಗೂ ಪ್ರಶಸ್ತಿ ಪತ್ರ ದೊರೆಯಲಿದೆ.

ತೀರ್ಪುಗಾರರ ಟಿಪ್ಪಣಿ