ಪಿಯು ಶೈಕ್ಷಣಿಕ ವೇಳಾ ಪಟ್ಟಿ ಪ್ರಕಟ: ಮೇ 20ರಿಂದ ತರಗತಿ

ಬೆಂಗಳೂರು: ಪ್ರಥಮ ಮತ್ತು ದ್ವಿತೀಯ ಪಿಯು ತರಗತಿಗಳು ಮೇ 20 ರಿಂದ ಆರಂಭಗೊಳ್ಳಲಿದ್ದು, ಈ ಸಂಬಂಧ ಪದವಿ ಪೂರ್ವ ಶಿಕ್ಷಣ ಇಲಾಖೆ ಶೈಕ್ಷಣಿಕ ವೇಳಾಪಟ್ಟಿಯನ್ನೂ ಹೊರಡಿಸಿದೆ.

ಮೇ 20 ರಿಂದ ಸೆಪ್ಟಂಬರ್‌ 27 ರವರೆಗೆ ಮೊದಲ ಅವಧಿಯಾಗಿದ್ದು, ಸೆಪ್ಟಂಬರ್‌ 28 ರಿಂದ ಅಕ್ಟೋಬರ್‌ 13 ರವರೆಗೆ ಮಧ್ಯಂತರ ರಜೆ ಇರುತ್ತದೆ. ಅಕ್ಟೋಬರ್‌ 14 ರಿಂದ 2020 ರ ಮಾರ್ಚ್‌ 19 ರವರೆಗೆ ಎರಡನೇ ಅವಧಿಯ ತರಗತಿಗಳು ನಡೆಯುತ್ತವೆ. 2020 ರ ಮಾರ್ಚ್‌ 20 ರಿಂದ ಬೇಸಿಗೆ ರಜೆ ಆರಂಭವಾಗುತ್ತದೆ.