ಸಚಿವ ಸಂಪುಟ | ಮೂರನೇ ಬಾರಿಗೆ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದ ಆರ್. ಬಿ. ತಿಮ್ಮಾಪುರ

ಮುಧೋಳ ವಿಧಾನಸಭಾ ಕ್ಷೇತ್ರದಿಂದ ಆಯ್ಕೆಯಾಗಿರುವ ಆರ್‌. ಬಿ. ತಿಮ್ಮಾ‍‍ಪುರ ಅವರು ಪರಿಶಿಷ್ಟ ಜಾತಿ ಎಡಗೈ ಗುಂಪಿನಲ್ಲಿ ಪ್ರಭಾವಿ ನಾಯಕರಾಗಿದ್ದಾರೆ. ಅಲ್ಲದೇ ಸಿದ್ದರಾಮಯ್ಯ ಅವರ ಬೆಂಬಲಿಗರು ಹೌದು.

1989ರಲ್ಲಿ ಮೊದಲ ಬಾರಿಗೆ ಶಾಸಕರಾಗಿ ಆಯ್ಕೆಯಾದ ಅವರು 1999ರಲ್ಲಿ ಎರಡನೇ ಬಾರಿಗೆ ಆಯ್ಕೆಯಾದರು. 2016ರಲ್ಲಿ ವಿಧಾನ ಪರಿಷತ್ ಸದಸ್ಯರಾಗಿ ಸೇವೆ ಸಲ್ಲಿಸಿದ ಅವರು 2023ರಲ್ಲಿ ವಿಧಾನಸಭೆಗೆ ಆಯ್ಕೆಯಾದರು.

2003ರಲ್ಲಿ ರಾಜ್ಯ ಯೋಜನಾ ಆಯೋಗದ ಉಪಾಧ್ಯಕ್ಷರಾಗಿದ್ದರು. ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿಯಾಗಿದ್ದರು. ಈಗ ಕೆಪಿಸಿಸಿ ಉಪಾಧ್ಯಕ್ಷರಾಗಿದ್ದಾರೆ.

ಕಿರು ಪರಿಚಯ

ಹೆಸರು : ಆರ್.ಬಿ. ತಿಮ್ಮಾಪುರ

ಕ್ಷೇತ್ರ : ಮುಧೋಳ (ಪರಿಶಿಷ್ಟ ಜಾತಿ ಮೀಸಲು ಕ್ಷೇತ್ರ)

ವಯಸ್ಸು : 61

ಜಾತಿ : ಪರಿಶಿಷ್ಟ ಜಾತಿ

ಶಿಕ್ಷಣ : ಎಲ್ ಎಲ್ ಬಿ

ಎಷ್ಟನೇ ಬಾರಿ ಶಾಸಕ : ಮೂರನೇ ಬಾರಿ ಶಾಸಕ, ಒಂದು ಬಾರಿ ವಿಧಾನ ಪರಿಷತ್ ಸದಸ್ಯ

ಹಿಂದೆ ನಿರ್ವಹಿಸಿದ ಖಾತೆ : ಕೃಷಿ ಮತ್ತು ಮಾರುಕಟ್ಟೆ, ಅಬಕಾರಿ