ಅಂಬರೀಷ್‌ಗೆ ‘ಟ್ವೀಟ್‌’ ನಮನ
ಬೆಂಗಳೂರು: ನಟ ಅಂಬರೀಷ್‌ ನಿಧನಕ್ಕೆ ಸಿನಿಮಾ ಹಾಗೂ ರಾಜಕೀಯ ಕ್ಷೇತ್ರದ ಹಲವು ಖ್ಯಾತನಾಮರು ಟ್ವಿಟರ್‌ ಮೂಲಕ ಸಂತಾಪ ವ್ಯಕ್ತಪಡಿಸಿದ್ದಾರೆ.
**
ನನ್ನ ಸಹೋದ್ಯೋಗಿಯೊಬ್ಬನನ್ನು ಕಳೆದುಕೊಂಡ ದುಃಖ ನನ್ನನ್ನು ಆವರಿಸಿದೆ.
–ಅಮಿತಾಭ್‌ ಬಚ್ಚನ್‌
**
ಅಂಬರೀಷ್‌ ಅವರು ತಮ್ಮ ನಟನೆಯ ಮೂಲಕ ಯಾವತ್ತೂ ಜೀವಂತವಾಗಿ ಉಳಿಯಲಿದ್ದಾರೆ. ಅವರ ರಾಜಕೀಯ ಕೆಲಸಗಳೂ ಸ್ಮರಣೀಯ. ಕರ್ನಾಟಕದ ಏಳಿಗೆಯಲ್ಲಿ ಅವರ ಪಾಲು ದೊಡ್ಡದು.
– ನರೇಂದ್ರ ಮೋದಿ, ಪ್ರಧಾನಿ
**
ಕಾಂಗ್ರೆಸ್‌ ಕುಟುಂಬದ ಮೌಲ್ಯಯುತವ್ಯಕ್ತಿಯನ್ನು ಕಳೆದುಕೊಂಡಿದ್ದೇವೆ. ಅವರು ಕರ್ನಾಟಕದ ಹೆಮ್ಮೆಯ ಪುತ್ರ ಆಗಿದ್ದರು. ನಟ ಹಾಗೂ ರಾಜಕಾರಣಿಯಾಗಿ ಅವರು ರಾಜ್ಯ ಹಾಗೂ ದೇಶದಾದ್ಯಂತ ಜನಮನ ಗೆದ್ದಿದ್ದರು.
– ರಾಹುಲ್ ಗಾಂಧಿ, ಎಐಸಿಸಿ ಅಧ್ಯಕ್ಷ
**
ಹೃದಯವಂತ ಹಾಗೂ ಅತ್ಯದ್ಭುತ ನಟನನ್ನು ನಾವು ಕಳೆದುಕೊಂಡಿದ್ದೇವೆ.
– ಸುಹಾಸಿನಿ, ನಟಿ
**
ಅಂಬರೀಷ್‌ ಅಂಕಲ್‌ ನಿಧನದಿಂದ ತುಂಬಾ ನೋವಾಗಿದೆ. ಅವರನ್ನು ನಾನು ಎಂದಿಗೂ ಮರೆಯುವುದಿಲ್ಲ.
- ರಮ್ಯಾ, ನಟಿ
**
ಅಂಬರೀಷ್‌ ಅವರು ಇನ್ನಿಲ್ಲ ಎಂಬುದನ್ನು ನಂಬಲು ಆಗುತ್ತಿಲ್ಲ. ಸಿನಿಮಾ ರಂಗದಲ್ಲಿ ಮೌನ ಆವರಿಸಿದೆ.
- ಜಯಮಾಲಾ, ಸಚಿವೆ
**
ಒಬ್ಬ ಅದ್ಭುತ ಮನುಷ್ಯ. ಒಳ್ಳೆಯ ಸ್ನೇಹಿತನನ್ನು ಕಳೆದುಕೊಂಡಿದ್ದೇನೆ. ಅವರ ಅನುಪಸ್ಥಿತಿ ನನ್ನನ್ನು ಕಾಡುತ್ತಿದೆ.
- ರಜನಿಕಾಂತ್‌, ಹಿರಿಯ ನಟ
**
ಇವನ್ನೂ ಓದಿ
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.