ಇರಾಕ್: ಕಾರ್ ಬಾಂಬ್ ಸ್ಫೋಟಕ್ಕೆ 115 ಬಲಿ

ಇರಾಕ್(ಎಎಫ್ ಪಿ): ಉತ್ತರ ಬಾಗ್ದಾದ್ ನಲ್ಲಿ ನಡೆದ ಆತ್ಮಹತ್ಯಾ ಕಾರ್ ಬಾಂಬ್ ಸ್ಫೋಟದಲ್ಲಿ 15 ಮಕ್ಕಳು ಸೇರಿದಂತೆ 115 ಮಂದಿ ಮೃತಪಟ್ಟು, 17 ಜನ ಕಾಣೆಯಾಗಿದ್ದಾರೆ. 170 ಜನ ಗಾಯಗೊಂಡಿದ್ದಾರೆ.

ಬಾಗ್ದಾದ್ ನಿಂದ 20 ಕಿ.ಮೀ. ದೂರದಲ್ಲಿರುವ ಪಟ್ಟಣದ ಮಾರುಕಟ್ಟೆ ಪ್ರದೇಶದಲ್ಲಿ ಶುಕ್ರವಾರ ಜನರು ರಂಜಾನ್ ಖರೀದಿಗೆ ಜಮಾಯಿಸಿದ್ದಾಗ ಆತ್ಮಾಹುತಿ ದಾಳಿ ನಡೆದಿದೆ. ಘಟನೆಯಲ್ಲಿ 15 ಮಕ್ಕಳು ಸೇರಿದಂತೆ ಹಲವು ಪುರುಷರು, ಮಹಿಳೆಯರು ಸಾವಿಗೀಡಾಗಿದ್ದು, ಶನಿವಾರ ಮೃತರ ಸಂಖ್ಯೆ 115ಕ್ಕೇರಿದೆ.

ಘಟನೆಯಲ್ಲಿ 17 ಮಂದಿ ಕಾಣೆಯಾಗಿದ್ದು, 170 ಮಂದಿ ಗಾಯಗೊಂಡಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.