ಪೆರುವಿನಲ್ಲಿ ಚುನಾವಣೆಗಳನ್ನು ನಡೆಸಬೇಕು ಎಂದು ಪ್ರತಿಭಟನೆ: 13 ಜನರ ಸಾವು

ಲಿಮಾ (ಎಪಿ) : ಶೀಘ್ರವೇ ಚುನಾವಣೆಗಳನ್ನು ನಡೆಸಬೇಕು ಎಂದು ಆಗ್ರಹಿಸಿ ಆಗ್ನೇಯ ಪೆರುವಿನಲ್ಲಿ ಪ್ರತಿಭಟನೆಗಳು ಪುನರಾರಂಭವಾಗಿದ್ದು, ಸೋಮವಾರ 13 ಮಂದಿ ಮೃತಪಟ್ಟಿದ್ದಾರೆ.

ದೇಶದ ನಿರ್ಲಕ್ಷಿತ ಗ್ರಾಮೀಣ ಭಾಗದ ಜನರು ಪ್ರತಿಭಟನೆಗಳಲ್ಲಿ ಪಾಲ್ಗೊಳ್ಳುತ್ತಿದ್ದು, ಅವರು ಈಗಲೂ ಪದಚ್ಯುತ ಅಧ್ಯಕ್ಷ ಪೆಡ್ರೊ ಕ್ಯಾಸ್ಟಿಲೊಗೆ ನಿಷ್ಠರಾಗಿದ್ದಾರೆ.

ಈ ಪ್ರಕರಣದ ಕುರಿತು ಪೆರುವಿನ ಮಾನವ ಹಕ್ಕುಗಳ ಸಂರಕ್ಷಣಾ ಏಜೆನ್ಸಿಯು ತನಿಖೆಗೆ ಕರೆ ನೀಡಿದೆ. ಕ್ಯಾಸ್ಟಿಲೊ ಪದಚ್ಯುತಿ ಬಳಿಕ ದೇಶದ ವಿವಿಧೆಡೆ ಅಶಾಂತಿಯ ವಾತಾವರಣ ನಿರ್ಮಾಣವಾಗಿದೆ.