ದಕ್ಷಿಣ ಕೊರಿಯಾ: ವಾಯುಪಡೆ ವಿಮಾನಗಳು ಡಿಕ್ಕಿ, ನಾಲ್ವರು ಸಾವು

ಸಿಯೋಲ್‌: ದಕ್ಷಿಣ ಕೊರಿಯಾದ ವಾಯುಪಡೆಯ ಎರಡು ವಿಮಾನಗಳು ತರಬೇತಿ ವೇಳೆ ಡಿಕ್ಕಿಯಾಗಿ ಸಂಭವಿಸಿದ ಅಪಘಾತದಲ್ಲಿ ವಿಮಾನದಲ್ಲಿದ್ದ ನಾಲ್ವರು ಮೃತಪಟ್ಟಿದ್ದಾರೆ.

ಸಚೆಯಾನ್‌ ವಾಯು ನೆಲೆಯಿಂದ ಎರಡೂ ವಿಮಾನಗಳು ಒಂದರ ನಂತರ ಒಂದರಂತೆ ಟೇಕಾಫ್ ಆದವು. ಇದಾದ ಐದೇ ನಿಮಿಷದಲ್ಲೇ ವಿಮಾನಗಳು ಡಿಕ್ಕಿಯಾಗಿ, ಇಬ್ಬರು ಸಿಬ್ಬಂದಿ ಹಾಗೂ ಇಬ್ಬರು ತರಬೇತಿ ಪಡೆಯುವವರು ಮೃತಪಟ್ಟರು ಎಂದು ವಾಯುಪಡೆ ಹೇಳಿಕೆಯಲ್ಲಿ ತಿಳಿಸಿದೆ.

ಅಪಘಾತದ ಕಾರಣ ಪತ್ತೆಗಾಗಿ ತನಿಖೆ ನಡೆಸಲು ಸಮಿತಿ ರಚಿಸಲಾಗಿದೆ ಎಂದೂ ತಿಳಿಸಿದೆ.