50 ಸಾವಿರ ಭಾರತೀಯರಿಗೆ ಅಮೆರಿಕ ಪೌರತ್ವ

ವಾಷಿಂಗ್ಟನ್‌: 50,802 ಭಾರತೀಯರು ಕಳೆದ ವರ್ಷ (2017) ಅಮೆರಿಕದ ಪೌರತ್ವ ಪಡೆದಿದ್ದಾರೆ. ಒಟ್ಟಾರೆ 2017ರಲ್ಲಿ 7.07 ಲಕ್ಷ ವಿದೇಶಿಯರು ಅಮೆರಿಕದ ಪೌರತ್ವ ಪಡೆದಿದ್ದು, ಇವರಲ್ಲಿ ಮೆಕ್ಸಿಕೊದವರೇ ಅತಿ ಹೆಚ್ಚು ಸಂಖ್ಯೆಯಲ್ಲಿದ್ದಾರೆ ಎಂದು ಗೃಹ ಇಲಾಖೆಯ ವಾರ್ಷಿಕ ವರದಿ ತಿಳಿಸಿದೆ.

ಪುರುಷರಿಗಿಂತ ಮಹಿಳೆಯರೇ ಹೆಚ್ಚಿನ ಸಂಖ್ಯೆಯಲ್ಲಿ ಪೌರತ್ವ ಪಡೆದಿದ್ದಾರೆ. 3,96,294 ಮಹಿಳೆಯರು ಮತ್ತು 3,10,987 ಪುರುಷರು ಪೌರತ್ವ ಪಡೆದಿದ್ದಾರೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.