ಉಕ್ರೇನ್‌‌ನಿಂದ 25 ಲಕ್ಷ ಮಂದಿ ವಲಸೆ: ಅಂತರರಾಷ್ಟ್ರೀಯ ವಲಸೆ ಸಂಸ್ಥೆ

ಜಿನೀವಾ: ರಷ್ಯಾ ಉಕ್ರೇನ್‌ ಮೇಲೆ ದಾಳಿ ಆರಂಭಿಸಿದ ದಿನದಿಂದ ಇಲ್ಲಿಯವರೆಗೆ 25 ಲಕ್ಷ ಜನತೆ ವಲಸೆ ಹೋಗಿದ್ದಾರೆ ಎಂದು ಅಂತರರಾಷ್ಟ್ರೀಯ ವಲಸೆ ಸಂಸ್ಥೆ ಹೇಳಿದೆ.

15 ಲಕ್ಷಕ್ಕೂ ಹೆಚ್ಚು ನಿರಾಶ್ರಿತರು ಪೋಲೆಂಡ್‌ಗೆ ವಲಸೆ ಹೋಗಿದ್ದಾರೆ. ಇದರಲ್ಲಿ 1.16 ಲಕ್ಷ ಮಂದಿ ತೃತೀಯ ದೇಶದ ಪ್ರಜೆಗಳಾಗಿದ್ದು, ಉಕ್ರೇನ್‌ ದೇಶದವರಲ್ಲ ಎಂದು ಸಂಸ್ಥೆ ವಕ್ತಾರ ಪೌಲ್‌ ದಿಲ್ಲಾನ್‌ ತಿಳಿಸಿದ್ದಾರೆ.

ಯುದ್ಧದಿಂದ ಉಕ್ರೇನ್‌ನಲ್ಲಿ 25 ಲಕ್ಷ ಮಂದಿ ನಿರಾಶ್ರಿತರಾಗಿದ್ದಾರೆ ಎಂದು ಅಂದಾಜಿಸಲಾಗಿದೆ ಎಂದು ವಿಶ್ವಸಂಸ್ಥೆಯ ನಿರಾಶ್ರಿತ ವಿಭಾಗದ ಹೈ ಕಮಿಷನ್‌ನ ಫಿಲಿಪ್ಪೊ ಗ್ರಾಂಡಿ ಹೇಳಿದ್ದಾರೆ.