ಪಾಕ್: ಮಾಜಿ ಸಚಿವ ಖುರೇಷಿ ವಿರುದ್ಧ ದೋಷಾರೋಪ

ಲಾಹೋರ್: ಕಳೆದ ವರ್ಷದ ಮೇ 9ರಂದು ಪೊಲೀಸ್ ಠಾಣೆಗೆ ಬೆಂಕಿ ಹಚ್ಚಿದ ಪ್ರಕರಣದಲ್ಲಿ ಮಾಜಿ ವಿದೇಶಾಂಗ  ಮಾಜಿ ಸಚಿವ ಹಾಗೂ ಪಾಕಿಸ್ತಾನ ತೆಹ್ರೀಕ್–ಇ–ಇನ್ಸಾಫ್ (ಪಿಟಿಐ) ಪಕ್ಷದ ಹಿರಿಯ ಮುಖಂಡ ಶಾ ಮೊಹಮ್ಮದ್ ಖುರೇಷಿ ವಿರುದ್ಧ ಇಲ್ಲಿನ ಭಯೋತ್ಪಾದನಾ ನಿಗ್ರಹ ನ್ಯಾಯಾಲಯ ದೋಷಾರೋಪ ಹೊರಿಸಿದೆ.

ದೇಶದ್ರೋಹ ಚಟುವಟಿಕೆಗಳಲ್ಲಿ ತೊಡಗಿದ ಆರೋಪದ ಮೇರೆಗೆ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ನೇತೃತ್ವದ ಪಿಟಿಐ ಪಕ್ಷವನ್ನು ನಿಷೇಧಿಸುವುದಾಗಿ ಪಾಕಿಸ್ತಾನ ಸರ್ಕಾರ ಘೋಷಣೆ ಮಾಡಿದ ಬೆನ್ನಲ್ಲೇ, ಅವರ ಪಕ್ಷದ ಮುಖಂಡ ಖುರೇಷಿ ವಿರುದ್ಧ ನ್ಯಾಯಾಲಯವು ಈ ಆರೋಪ ಹೊರಿಸಿದೆ.