ಮೊಹರಂ: ದೇಶದಾದ್ಯಂತ ಬಿಗಿ ಭದ್ರತೆಗೆ ಪಾಕ್‌ ತೀರ್ಮಾನ

ಇಸ್ಲಾಮಾಬಾದ್‌: ಮೊಹರಂ ಸಂದರ್ಭದಲ್ಲಿ ಶಾಂತಿ ಸುವ್ಯವಸ್ಥೆ ಕಾಪಾಡಲು ದೇಶದಾದ್ಯಂತ ಸೈನಿಕರನ್ನು ನಿಯೋಜಿಸಲು ಪಾಕಿಸ್ತಾನ ಸರ್ಕಾರ ಸೋಮವಾರ ನಿರ್ಧರಿಸಿದೆ.

ಶಿಯಾ ಮುಸ್ಲಿಮರ ರ‍್ಯಾಲಿ ಸಂದರ್ಭದಲ್ಲಿ ಭಯೋತ್ಪಾದಕರು ದಾಳಿ ನಡೆಸಬಹುದು ಎಂಬ ಕಾರಣದಿಂದ ಈ ತೀರ್ಮಾನ ಮಾಡಿದೆ.

ಇಸ್ಲಾಮಿಕ್‌ ಕ್ಯಾಲೆಂಡರ್‌ನ ಮೊದಲ ತಿಂಗಳು ಮೊಹರಂ. ಅದು ಸೋಮವಾರದಿಂದ ಆರಂಭವಾಗಿದೆ.

ಶಿಯಾ ಮುಸ್ಲಿಮರು, ಪ್ರವಾದಿ ಮಹಮ್ಮದ್ ಅವರ ಮೊಮ್ಮಗ ಹುಸೇನ್‌ ಇಬ್ನ ಅಲಿ ಸ್ಮರಣಾರ್ಥ ತಿಂಗಳ ಮೊದಲ 10 ದಿನ ರ‍್ಯಾಲಿ ನಡೆಸುತ್ತಾರೆ.