ಕಾಬೂಲ್‌ನ ಮದರಸಾದಲ್ಲಿ ಸ್ಫೋಟ: 16 ಮಂದಿ ಸಾವು

ಕಾಬೂಲ್‌ (ಎಎಫ್‌ಪಿ): ಎಬಕ್‌ ನಗರದ ಮದರಸಾವೊಂದರಲ್ಲಿ ಬುಧವಾರ ಸ್ಫೋಟ ಸಂಭವಿಸಿದ್ದು, ಕನಿಷ್ಠ 16 ಮಂದಿ ಮೃತಪಟ್ಟಿದ್ದಾರೆ ಹಾಗೂ 24 ಮಂದಿ ಗಾಯಗೊಂಡಿದ್ದಾರೆ.

‘ರಾಜಧಾನಿ ಕಾಬೂಲ್‌ನಿಂದ 200 ಕಿ.ಮೀ ದೂರದಲ್ಲಿರುವ ಎಬಕ್‌ ನಗರದಲ್ಲಿ ಸ್ಫೋಟ ಸಂಭವಿಸಿದೆ. ಮೃತಪಟ್ಟವರಲ್ಲಿ ಯುವಕರೇ ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ಜೊತೆಗೆ ಮಕ್ಕಳೂ ಸೇರಿದ್ದಾರೆ’ ಎಂದು ಸ್ಥಳೀಯ ಆಸ್ಪತ್ರೆವೊಂದರ ವೈದ್ಯರೊಬ್ಬರು ಮಾಹಿತಿ ನೀಡಿದ್ದಾರೆ.

ಕಳೆದ ವರ್ಷ ಆಗಸ್ಟ್‌ನಲ್ಲಿ ತಾಲಿಬಾನ್‌ ಅಧಿಕಾರವಹಿಸಿಕೊಂಡ ಬಳಿಕ ಸಾರ್ವಜನಿಕರನ್ನು ಗುರಿಯಾಗಿಸಿದ ಸ್ಫೋಟ ಪ್ರಕರಣಗಳ ಸಂಖ್ಯೆ ಹೆಚ್ಚಾಗಿದೆ. ಇಂಥ ಹಲವು ಸ್ಫೋಟಗಳ ಹೊಣೆಯನ್ನು ಐಎಸ್‌ ಉಗ್ರ ಸಂಘಟನೆಯ ಸ್ಥಳೀಯ ಘಟಕ ಹೊತ್ತುಕೊಂಡಿದೆ.

–––